مش عارفة يا بنتي .. ربنا ادانا عقل نفكر بيه ..

اللي اعرفه انك ماتتنازليش عن حقوقك ..

لو كانت الدنيا وعود وعهود وكلام ... مكانش هيبقى فيه شهود على الجواز !!! كان بكلمة كل واحد اتجوز وخلاص

انا بقولك حطي كافة الاحتمالات ومتننازليش عن حقوقك ...

الراجل لازم يتعب عشان اللي هيتجوزها ... مايحسش انها جت ببلاش اوي كدا

ممكن يا بنتي احواله ماتتحسنش بالعكس تزيد سوءا كمان ...

ممكن مع الضغوط تبقى أخلاقه سيئة معاكي

ممكن يمر بأزمات صحية وهتبقي مطالبة تشيلي مصاريفة

ممكن تخلفي منه ... وتخيلي لو خلفتي .. الفرق بين الاب والابن 60 سنه ! يعني لما ابنك يكون عنده 10 سنين ابوه هيكون عنده 70 ...

كمان اعملي حسابك ان بعد مده هتكوني ام وزوجة وممرضة وعاملة ومدرسة ومدبرة منزل و50 حاجة

غير القدرة الجنسية اللي الله اعلم ايه نظامها دلوقتي ...

غير انك دلوقتي بتفكري في نفسك وبس .. بعد كدا هيبقى فيه اطفال في الرجلين .. والمسؤولية دي مش هتحسي بيها الا لما تشوفييها في عنيهم ...وربنا يستر

بصي انا بقولك على أسوأ الفروض .. المهم تبقي حاطة الحاجات دي في دماغك

ولازم تبصري اهلك .. عشان مايجوش في يوم ويأنبوكي ويقولولك محدش ضربك على ايدك

خليهم بالصورة.. مهما كانت العواقب على الاقل تلاقي حد يفكر معاكي

ومدام انتي ضامناه اوي كداربنا يوفقك .. وكل واحد بيختار شكل حياته بالنهاية .. وانتي اختارتي دور المضحية .. وربنا يعينك

__________________