الله يهديك عمرك 21 سنه وتدورين خطابات؟؟؟؟؟ اصبري الغاليه انتِ صغيرة ونصيبك حيجيك..
قرأت مرة لاحدى الاخوات تقول .. المطاوعه.. هذه هي الفئة اللي صرنا نخاف منهم .. وكل ما قرأت اكثر عن مشاكل الناس كل ما زاد اقتناعي بالكلام ..
يا اختي ما عليك من ظواهر الامور.. خذي البواطن .. انا عن نفسي احترم انسان لو كان عادي ومو امام مسجد ولا عليه مظهر من مظاهر السنه ولكنه يخاف الله وملتزم بالفرض وحدود الشرع .. اكثر من انسان ملتزم من ظاهره والباطن الله العالم شو..
انا ما ودي اظلم الرجل بصراحه لكنك تقولين اخذ رقمك .. طيب ليه؟ يعني اذا حصل لك على خاطب بيعطيه رقمك ولا هو بيكلمك بنفسه ولا ايش بالضبط؟ وكيف يسمح لنفسه انه يتصل بك ويرسل رسائل حتى وان كانت لتوقظك لصلاه الفجر.. ؟؟
شغلي مخك يا اختي وتعلمي من اخطاء غيرك قبل ما تصبحين انتِ ضحيه وتتعلم الناس من اغلاطك .. هو بما انه عنده رقمك لو هو فعلا جاد واعجب فيكِ كان ممكن يطلبك مباشرة .. لكن تضيفوا بعض على المسنجر ويتعلق بك....؟ اقدر اضمن لك لو اضفتك انا على المسنجر واعتدنا انا وانتِ ندخل ونتكلم مع بعض لو دقائق قليله في اليوم اننا نتعلق في بعض هذا وانا انثى : ) شيء طبيعي الانسان اذا تعود على حد يتعلق فيه ..
فاتمنى انك تقطعي علاقتك فيه نهائيا وتنسي هذا الطريق لأنك صغيرة مثل ما قلنا وان شاءالله نصيبك بيجيكِ .. لكن هذه العلاقات ممكن تأخر زواجك لأنك احتمال ترفضي اي حد يتقدم لك في انتظار يتقدم لك حبيب المسنجر ولا يصير لك نصيب معاه .. ما اقصد صاحببنا هذا بالذات لكني اتكلم بشكل عام
والله يوفقك اختى ويرزقك الزوج الصالح