انا احس هذا الكاتب حرام كاسر خاطري الف كتاب وتعب نفسه وخساير وطباعه والوان وزخرفه على الفاضي ....
ياعزائي هل تتوقعون ان مافي رجل فكر يتزوج ماسوى هالطرق .... انا احس مافي اي كلام جديد الاسالفة ان امها تساعده .... يعني هالسالفه مرة نايس وجديده .... خلاص مدام هو فكر يتزوج ليش يستنى ان زوجته الاولى تبارك زواجه ؟؟؟
اكيد هي رافضه وان ادعت الموافقه فاكيد من ورى قلبها .... فخلاص ليش طرق واقناع وحركة الهدية مرة حركه سخيفه احس حتى لواستخدمناها مع الاطفال فاحنا سخيفين .... يعني كني اقول بجيبلك حلاوة بس موتي صياح ....
انا في رايي اذا بس فكر مجرد تفكير انه يتزوج فخلاص اشيله من حساباتي .... هذا اذا فكر وقبل مايقرر ....
مواشيله من حساباتي يعني اتطلق لاطبعا .... لان الرجل البايع موكل حساباتي لكن جزء منها وسهله ازالته .... الحمدلله يصير عندي بيتي وعيالي وهو الطالع وانا الداخله .... مصروف وسواق وشغاله .... ولاابيه بعدها يرفق بي بسؤاله ابيه يرفق باني مااشوف طلته البهيه ....
للمعلوميه بس ... الرجال الطيبين الحبوبين اللي يفكرون بالعوانس والمطلقات والارامل ترى فيه طرق كثير عشان تساعدونهم فيها .... ممكن تذكرونهم للشباب المقبلين على الزواج وممكن تساعدون في المهور للشباب وتساعدون في التاثيث وفي الاقناع وفي جمع راسين بالحلال ....
يعني اللي بتجمعه مهر للعانس اجمعه واهديه هديه لاي شاب من اهلك عشان يتزوج واذكر له بنت حلال تسعده ويسعدها .... وترى كذا اجرك بيتضاعف