* جديد *
اشكر كل اللي متابعين موضوعي و يسألون عني و يتطمنون...
و سامحوني على التأخير , بس انشغلت شوي وما قدرت ادخل النت ...
يوم الأحد رحنا المحكمة و بدأ بمعاملة الطلاق و جهز الأوراق
سألته كيف بتسوي عشان المؤخر , قال ما عندي المبلغ بسجله لك بعد شهرين
جلست انتظر مع اخوي برآ و تأخرت الأوراق و اضطريت امشي عشان مدرسة أختي
بعد ما مشيت كلمني زوجي قالي القاضي يبيك تجين , بس دقايق , قلتله انا ما اقدر ارجع
اختي طلعت من المدرسة و تأخرنا عليها
قال طيب بكرآ بنجي المحكمة و نكمل الطلاق , وافقت
لما رجعت البيت تكلمنا وقلتله اكتبلي شيك فيه عشان ما تصير محاكم و قلق و وجع راس
قال شيكآت ما عندي , بسجل في الصك اني بسدد بعد شهرين
استشرت محامي و قالي نفس كلام الأخ انسان ولهان
و اني بعد ما استلم الصك اروح المحكمة و اطالبه وما يهم المدة اللي هو مسجلها على نفسه
و قالي المحامي :
خلال شهر بالكثير بيخلص الموضوع ان شاء الله لأن المسائل المالية بين الزوجين المحكمة ما تأخرها
بكرآ الأربعاء موعد الطلاق و ان شاء الله بشوف وش رأي المحامي
مو حابة اطالب عن طريق المحكمة , بقول لزوجي يسجلها بشيك بأي وقت يبيه
و افتك من المشاكل
الله يخلصني من الموضوع بخير و الله والله تعبت ومحتاجة ارتاح
اللي متعبني اكثر , ان الناس للحين محد يدري عن الوضع
يحسبون اننا نكمل تحضيرات الزواج و نجهز للحفلة
__________________
- كنتُ أَخاف من الأشيَاء فـ أتجِه إليكَ ،
ولكننّي لجأتُ إلى الله .. حين خفتُ منّكَ !