السلام عليكم و رحمة الله و بركاته
محتاجة منكم النصح لأني مو عارفة وش اسوي ...؟؟
ارجو من أي عضو يدخل يعطيني رأيه لأنه بجد بيفيدني ...
اليوم ما قدر يجي بسبب مواعيد عمل انشغل فيها ,
و طبعآ الأمور عندي بالبيت تطورت إلى مشاكل بيني و بين والدي عشان مؤخر طلاقي
هو من حقي شرعآ و قانونآ , كلمته وقلت له بعطيه اكثر من نصفه و بخلي الباقي لي
لأني اكيد بحتاجه في حياتي , خصوصآ بعد تجربتين زواج و اني بدون عمل وما ابي اطلب منهم مصروف
بس النتيجة يبيه كله , كلمت زوجي و فهمته الموضوع و هو عارف طبع ابوي و فاهم قصده بالموافقة على الطلاق
قالي انا حاليآ المبلغ غير متوفر عندي , بعد شهر تقريبآ بيكون معي ان شاء الله
و بروح بكرآ المحكمة عشان اسأل كيف اطلقك بحيث اني اسجل مؤخرك كدين عليي و اعطيك فلوسك في موعد يتم تحديده و تسجيله في المحكمة
قالي لو تحبين تروحين معآي تعآلي , كلمت اخوي وقالي خلينا نروح و نسأل و نفهم كيف تتم الإجراءات
ابي منكم قبل ما تجاوبوني تعرفون اني افكر بمسألة المؤخر , كحق لي , بسبب زوجي تضررت , لأننا ما عندنا في العايلة بنات تتملك و تتطلق بدون زواج , خصوصآ انهم يسمحون في فترة خطوبة و طويلة...
يعني البنت اللي تتملك و تتطلق بدون زواج , الاغلبية بيتوقعون انها سوت شي خلى زوجها يطلقها ...
و انا هنا اتكلم عن مجتمعي و عائلتي و اقاربي ....
بسأل اللي عندهم معلومات عن اجراءات الطلاق في السعودية ...
هل يقدر الزوج يطلق زوجته بدون ما يدفع المؤخر مباشرة و يطلع صك الطلاق ؟؟
لو وافقت على تأجيل موعد استلام المبلغ , كيف اضمن حقي منه ؟
وش الطريقة القانونية اللي ممكن اسويها عشان لو فكر يتهرب من الدفع ؟؟
ارجو منكم تجاوبوني باللي تعرفونه عن هالأمور , لأني ان شاء الله بروح مع اخوي و زوجي الصباح للمحكمة ....
صليت و استخرت ربي , و ان شاء الله يوفقني الله للخير و يصرف عني الشر
محتارة و مترددة و خايفة من زيادة المشاكل مع والدي , يارب خفف همي و افرجها من عندك