اقتباس:
المشاركة الأصلية كتبت بواسطة number1
عمي قال لا خليهم اسبوعين او شهر عشان يحس والا هو يجيبهم من نفسه او يتادب0000
|
بصراحة كلام عمك عين العقل
أنا عارفة انه صعب تتركي عيالك بس صدقيني خليهم عنده علشان يحس بقيمتك ويشوف الفرق بين وجودك في البيت وبين لبشته بأولادك
أما لو أخذتيهم ماراح يحس بالمسئولية ويأخذ راحته وينبسط
ومع أني والله أستغرب من الحريم اللي عند الطلاق يرمون عيالهم لأبوهم
ولكن بصراحة من أمثلة كثيرة حولي رأيت أن هذا هو الحل الصح
لأن الزوج بيقدر يتزوج أي حرمة ويشرط عليها تهتم بعياله ويعيش متهني متزوج وعياله معاه ويخلف جدد
أما الزوجة لو أخذت عيالها بتنربط وماحد بيتقدم لها يتزوجها بسبب عيالها حتى لو هي صغيرة وبتكبر بدون زوج يونسها في وحدتها لما يكبروا عيالها ويتركوها
وكثير حولي تطلقوا وتركوا أولادهم لأزواجهم وربي عوضهم بأزواج دلعوهم لأنهم تطلقوا غصب عنهم
ورزقهم الله أطفال ولما كبروا أولادها من الأول رجعوا لها بنفسهم وصاروا يزورونها ويباتون عندها ويحبون أخوانهم الجدد
وبكذا تكون ربحت الإثنين أولادها وزوج يعوضها عن الظلم اللي ذاقته من طليقها وأولاد جدد من زوجها الجديد وعاشت بسعادة
علشان كذا أنصحك لو طلقك وماجاب العيال خليهم عنده ولاتخافي عليهم بيهتم فيهم أكثر منك لأنه يبغى يعوضهم عن عدم وجودك وتزوجي وانبسطي وربي بيعوضك ومصيرهم يكبروا ويرجعوا لك وتزوجيهم بنفسك بإذن الله ويعيشوا عندك.
وعجبني بصراحة رد جنان ربي يرزقها الجنان اتبعي كلامها ترى بتلاقي الخير بحول الله
وكرري ( اللهم أجرني في مصيبتي واخلف لي خيراً منها ) وبحول الله ثقي إذا كانت مظلومة أن ربي بيخلف لك بزوج أحسن منه يحطك تاج على رأسه ويدلعك.
__________________
التعديل الأخير تم بواسطة (أم جمانة) ; 14-10-2009 الساعة 08:17 AM