اسمحي لي أختي .. انتي الغلطانة في الأول الأخر

تربيتك ما اصنعت انسانة تتحمل المسؤولية .. تربية طلعت وحدة انانية ما تحب الا نفسها

الي زرعتيه حصدتيه الحين ..

يمكن اعذرك لأنك لما تزوجتي في هذا السن الصغيرجدا جدا ما كنتي مؤهلة للتربية ابداً

كان ضروري تشاروين الي عندهم خبرة والي اكبر منك .. كان شاورتي اهلك الي دخلوكي الحياة

الزوجية في الطفولة ..

انتي الغلطانه ... وتربيتك مو اسمها دلال .. الدلال ما يخرب .. الي يخرب هو الدلع

انتي دلعتيها .. دايماً جالسة حولها تشربينها قبل تعطش وتاكلينها قبل تجوع

تشترين لها افضل الأشياء من غير ما تطلب .. مافي يوم خليتيها تتحمل مسؤولية أعمالها

ما في يوم خليتيها تعمل شي وتخطئ وتعمل شي وتصيب عشان تطلع بثقة نفس

كسرتي فيها كل شي ..

بقيتي تحومين حولها كنك حوامة .. صرتي كنك دوار الشمس الي وين ما تروح الشمس راح وراها

كل شي تسوين لها .. حتى يوم زواجها دفعتي بفلوسك اضعاف مهرها وعملتي افخم الحفلات

خليتيها تحس ان كل الي اهي فيه من نعيم من صنعك انتي وبفضلك انتي ..

مافي يوم خليتيها تحس بطعم الفشل و لذة النجاح

خنقتيها .. كل مواهبها ما خليتيها تطلع ..

والحين تقولين انها تكرهك ... طبيعي تكرهك .. طبيعي جداً وانتي السبب

ما خليتيها تحس بذاتها .. كلشي انتي اتي ... تغار منك لأنها تحس امام بالضعف وانها بلا قيمة

كل شي انتي انتي .. كل ما شافتك حست بفشلها

والحين جاية تبينها تبرك وترحمك .. وهي من متى تعلمت البر والرحمة !!

يا بنت الحلال اي انسان طبيعي عنده ميل فطري انه ينفصل عن امه وابوه ويكون نفسه

ما خليتي شخصيتها تنضج بدلعك الزايد ...

نعم تكرهك لأنك ما علمتيها تحبك .. ما علمتيها شلون تحب الناس

ما علمتيها شلون تعامل البشر كبشر ..

علمتيها أن الكل ضروري يكون مسخر لها ويخدمها وتحت امرها

لأنك انتي كنتي مسخرة لها ...

شقولك بس انتي الغلطانه ... انا ما أدري شانصحك

البنت تزوجت خلاص شلون بتربينها .. وشلون بتربي بنتها وهي غير مؤهلة للتربية

تكره بنتها وتعاملها بقسوة لأن بنتها محتاجة للرعاية وهي ما تعودت ترعى أحد ولا تهتم في احد

اهي تعودت ان الكل يهتم فيها ...

اش سويتي الله يهداكِ

ما اقولك الا تركيها .. خليها تواجه حياتها بنفسها ولو ان قلبي منكسر عليها

والله اني افكر فيها اكثر من تفكيري فيكِ ... لأني عارفه اي ضرف نفسي واي صعوبة حياة

بل اي فشل تعانيه بسببك .. بسبب انك ما اهلتيها للحياة بكبرها

ما حسبتي حساب ان بيجي يوم وتنفصل عنك ...

حياتها قاسية ومعانتها كبيرة لأنها فتحت على حياة غير الحياة الي عيشتيها

اكتشفت اشياء ما عمرك قلتيها لها ..


تركيها وبسك حومان حولها .. وإذا جات استشارتك ذيك الساعه شوري عليها

بس شوري مو تقومين انتي بكل المهمه .. بعد انتي من هالنوعية الي اهون لك تسوين الشي

ولا تعلمينها كيف تعمله


اعتذر لو ردي فيه قسوة .. بس الحقائق غالباً مؤلمة

__________________