أخواتي عزيزاتي..

ترى انا عصبيه ولا عندي دلع.. يعني أعصب عليها أخوفها .. أعاقبها.. أطنشها.. مافي فايدة..


ألحين أنا خايفة على صحتها.. يعني لما تظرب راسها راح يأثر على النظر وعلى الراس.. وألحين جبهتها زرقه من كثر ماتظرب..

يعني لما أطنشها هي أصلا مستمرة بالظرب...

وبالنسبة للكلام معاها هي ماتفهم شنو قاعدة أعلمها..


يعني أعطيكم مثال:

إذا جا وقت النوم تقعد تصرخ ولا تبي أحطها بالسرير حقها..

طبعا أنا أحطها.. تقعد تصرخ وتظرب براسها بالسرير وترمي نفسها بقوووووووة..

يعني طلعيني..

طبعا أنا حاطه لها ألعابها بالسرير ..مشغله لها أفلام كرتون.. يعني ألعبي إليييييين مايجيك النوم , وبعدين نامي..

وعلى فكرة هي معاي بالغرفة يعني هي قاعدة تشوفني أني منسدحة مثلها.. يعني مو مخليتها لحالها..

أبي إذا ممكن يكون في أخصائيه أقدر أعرض عليها مشكلة بنتي وتفيدني.. أو وحدة عندها حالة مثل اللي عند بنتي وقدرت تحل مشكلتها.. لأن المسأله بدت تتأزم..

خاصة بعد الزراق اللي بالجبهه.. والدم اللي من الخشم..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))