مشكورين حبايبي ع التفاعل والمشورهـ
بالنسبه ي أخ المسداني والي مافهمو: بحاول اختصر المشكله
انا لي سنتين متزوجه تقريبآ..
وحنا نحب بعض ونهدي لبعضنا هدايآ كل فتره وفترهـ نسوي استجمام نسافر ..
ومايخلى من كل بيت مشاكل بسيطه غيره، واختلافات وجهه النظر وتنتهي بسلآآم بشكل عآدي
وحنا عايشين بمدينه غير المدينه الي فيها اهالينا بحكم العمل..
وجينا للمدينه الي فيها اهالينا قبل شهر رمضان بيومين..
ونا قعدت عند اهلي وهو عند اهله,,
وجا ثاني رمضان اخذني عند اهله زيآرهـ وصارت المشكله ببيت اهله بسبب مكالمه وانه هو طول وقت جيتنا مايكلمني الا برسميه غريبه ونا محتاجه منه اكثر من كذا ماتعودت ع الجفاف المفاجئ..
المشكله هي كنت انا بالصاله ببيتهم مع زوجي وابو زوجي..وام زوجي كانت طآلعه وبترجع..
ودق تلفون الثابت ورد احد اخوانه الصغار وقال دكتورهـ تبي امي وخذ السماعه زوجي وقعد يسولف ويضحكـ وانا انقهرت
وطلعت بنت عمه الكبيره الي قاهرني ليش يضحك وهو ماضحك معي من جيتنا مدري ليه ولا حبيت اسأله؟؟
وفي وقتها ارسلت رساله من جوالي قلت ليش ترد ونا موجودهـ وانت اسلوبك معي ليش كذ؟ ومن هالكلام..
وجا لمي كنت بالمجلس قال انتي مو راضيه ييلا بيت اهلكـ
ونا استغربت من اسلوبه يقول انتي اخر همي ويرفع صوته بشكل غريب مــــرهـ
وركبت السيآرهـ طول الوقت يهآآوش...وقلت ابطلع من السياره مابيك توديني؟؟>> حركه غبيه مني لا شعوريه
ودق ع ابوي وقآآله كل شي وخرب صورتي كل شي تافهه صار بيننا وانحل من نقآشات واشياء وربي ناسيتها واشياء ضحكت عليها فسرها ع كيفه..
ورجعت بيتهم وكملها معاي عند امه وابوهـ اني سفيهه ومجنونه وكل شي..وانا ساكته بعدها ضغط بالكلام علي مبالغ فيه..
وقلت له انت مواثق من نفسك ولا رجولتك ..>> هذي كلمه قويه
قلتها قدام اهله> امه وابوهـ
ادري هذا الي سويته قوي وش رايكم؟؟
والله ماحس بنفسي ذاك اليوم ابدآ مدري وش جاني.. آآه بس..
ورحت بيت اهلي وكملها ابوي معاي طبع ابوي عصبي ويحب يحط اللوم ع البنت مهما كان..
وتعبت نفسيتي مره صرت ماشتهي اكل ونحفت هالفتره هذي ..
وبعدها صارحت احد خالاتي بما ان امي متوفيه خليتها تدق ع ام زوجي وقالت ان زوجي رجع للمدينه الي يشتغل فيها واذا جا بالاجازه العيد يصي خير..
قلت ابنتظر وش يصير واتعب كل ماتذكر حياتي معاه وش كانت..آآه بس
المهم جا من المدينه وجاب اغراضي كلهاااااا مررررررهـ
وقال لابوي خلاااااص وبتصير اشياء بعد العيد
وجا لمي ابوي وقعد يهاوشني انتي فيك وفيك حط اللوم كلها علي وقاعد يقولي اسباب غير منطقيه تافهه ومنحله وماتذكر منها..
واذا بررت يصارخ بوجهي لا الرجال مايعيبه شي انتي اذا شفتي عليه..يقصد اني مره شفت افلام اباحيه عنده بالكمبيوتر بالصدفه..
قاله كل شي..
تعبت مــــرهـ
وجت ايام العيد طول الوقت اهوجس؟؟ وش بيصير فيني فيه خالتي الكبيره مادرت الله يستر اذا درت بصير بخبر كان كلن يفرح خاصه الي رفضت عيالهم آآ ه بس
وجا بعد العيد كنت ببيت جدتي ابوي بالعيد مسافر
ودقت علي ام زوجي ودها تشوف ولدي وجا ابو زوجي اخذهـ ورجع من بكره رجعه زوجي وجاب لي اغراض ببيتهم تخصني وجواز السفر و بطاقه المستشفى..الي تبع العسكري؟؟
ورجع ابوي من السفر ورجعت لبيت اهلي وشفت ابوي وماقالي شي عن وضعي بس قال سولف معي بخصوص انه كاشت
وبس
ونا ماحبيت افتح الموضوع قلت بصير ساكته الي علي سويته وسبق اني فتحت مع ابوي ولا شي يسويه مستحيل يسوي شي..
شخصيته سلبيه ابوي.
سبق ابو زوجي دق على ابوي وقاله الي سوته بنتك غلط ونها مو طبيعيه وابوي قاله انها دلوعه ماتستحمل وماعندها خبره ونها تبيه وكذآ... من هالكلام
احس ابوي ماتفاعل؟؟
يقولي تبين اترجاهم مو حلوه سبق قال لزوجي ادخل نتفاهم قال زوجي لا مابي انا ع كلامي فشل ابوي..
{ وفصل جوالي الي بأسمه الي كل اهله يعرفوني فيه..
ابغى افهم وش اسوي ودي ارسى ع شي لاني بوصال ولا بفرآآق
ولا الدعوه تأديب واخرتهآآآ ايش...
انا تــــ ع بـــآآنـــه
شيرو عـــلي؟؟