اخي الحبيب .. خاطب محتار بطول شوي بس ان شالله اكون افدتك بخبرتي


انا فاهم عليك 100% لاني مريت بظروف مماثلة لظروفك !

انك تاخذ وحدة جميلة هذا من حقك ..

لكن احذرك احذرك انك تدقق في الشكل .. لانك بتتعب كثييييييير


الحمدلله قد من الله علي من الجمال والجاذبية واشكر ربي كثيرا على هذه النعمة


وفي البداية قلت ماراح اتزوج وحدة إلا مثلي تماما 100% او اجمل مني


وبالفعل بدأت مسلسل البحث عن بنت الحلال لمدة سنتين

وكل وحدة اطلع فيها عيب ...

هذي خشمها طويل .. هذي فكها السفلي عريض كأنها رجل

هذي باين عليها دفشة .. هذي اسنانها ماتعجبني


هذي عيونها صغار ..

هذي عيونها جميلة بس خشمها نازل لي تحت .. لا هذي خشمها طالع لي فوق ..

تعبت نفسيا وتأزمت بسبب هالتدقيق


حسيت اني مريض نفسي .. لي درجة اني كنت اروح السوق واطالع وجوه البنات

مع اني كنت دايم منزل راسي


واشوف الي وجهها محبب والي فيه لحية والي مكياجها فلم هندي


آخر شي قلت ان مافي بنت حلوة بالخليج واجزمت

حتى كنت ادعي رب العالمين اني اشوف الي بتزوجها في المنام

كنت عايش في ازمة وحيرة


سبحان الله مرة من المرات وانا اقرأ الجريدة ان في واحد كان يدور على بنت الحلال

والآن وصل عمره 45 سنة ولا حصل بنت ..


كان تفصيلي كان يدقق في الاشكال كثير حتى صار فيه مرض نفسي وراح يتعالج عن الدكتور


هذي المقالة الي خلتني انتبه على نفسي


واكتشفت ان تدقيقي الزايد هو الي بيضعني


ووضعت حد للتدقيق والحمدلله تزوجت بنت الحلال الجميلة بشكلها واخلاقها




صدقت الاخت باريسا يوم قالت




" الاشياء المادية تفقد بريقها بسرعة "


عندي وحدة زميلتي في العمل .. آية في الجمال


بغض النظر عن اطباعها .. انا ماكانت تجذبني ابد


لانها كل يوم في وجهي


كان كل من يمر ويشوفني يقول والله انك عايش في عسل


واتشوف الوجه الحسن


لكن انا ماحس انه وجه حسن !!!!!

لان كل يوم اشوفها

يقول أحد الحكماء:

لو أٌحلت نساء العالم لرجل إلا امرأة واحدة ، لاشتهى تلك الواحدة !!


لان الرجل اذا ماتمسك في الدين مايملي عينه شي


لو كان عنده اجمل نساء الارض .. يظل يطالع الشي الي ماهو عنده ولو انه اقل مستوى من الي عنده



في ال نهاية انصحك انك تتزوج الجميلة الاخلاق والشكل


وابتعد عن التدقييييييييييييييييييق ابتعد


شوف الي ترتاح لها نفسك وتحس انك تقدر تتغاضى عن بعض العيوب


التدقيق بيتعبك ومافي انسان كامل ..اذا دققنا فيه بنلقى العيوب


اسف على الاطالة



تحياتي

__________________

متى زرت والدك آخر مرة ؟