[align=center]المشكلة إن كثير من البنات تعارض تطويل الشعر لكن لو شآفوه ع ممثل آجنبي آو وآحد وسيم ماعندهم مآنع يطوّله
لو يصير لين رجوله ...!!!
آكبر مثآل "عبدالعزيز " اللي طلع في ستآر آكآديمي الآخير وربي شعره عادي مب ذاك الزود ومطوله لا ورابطه والبنات ميتين عليه ..!!!
لدرجة سألت وحدة في آول سنة جامعة <<من معارفنآ \وكانت تموت عليه
قعدت امازحها وقلت لها انتي شعرك آقصر من عبدالعزيز لو ودك تتزوجينه بتصيرين تشيلين هم تسريح شعره والإهتمام فيه..الخ ..
ضحكت وقالت عادي دامه لعبدالعزيز ...!!!
اللي حبيت آوضحه كثير من البنات يحكمون ع الشعر الطويل بسبب إنهم شافوآ شباب شعورهم مب زينة آو مب نظيفة
آو بسبب العادة والإعتقاد عندهم إن الشعر بس للمرأة والبنت فقط لآغير ..!!
الحين لو يجي وآحد ويسوي جديلة بشعره قلنآ غريب وقمنا نتكلم عنه لكن لو نرجع 50 سنة ورآ نلقآه عادي ...
مثل البنآطيل للبنات قبل كم سنة بعض المشائخ يحرمونهم ...والحين عادي والكل يلبسهآ لآنها كانت قبل كم سنة عادة
وتقليد إن البنطول للولد ..
ومثله مثل بعض التي شيرتآت للعيآل اللي تجي آلوانهم آحمر ووردي آول عيب وحرام والحين صار عادي بالعرف ...
اخوي بعض المرات في البيت آقترح عليه يلملم شعره ويربطه لآنه يصير آنيق شوي ويعطي مظهر انه مهتم فيه مب قصد
التشبه بالبنات وكذآ ...
مع العلم انه يلبس شماغ وثوب آغلب وقته ويخبي شعره الطويل تحت الطآقية ...
ولد آختي -فديته - شعره كيرلي وصاير خققق-ماشاء الله - واختي مب ناويه تقصه الا اذا جاء بيدرس والحين عمره 3 سنوآت <<<مع اني من محبين الشعر الناعم لكن الكيرلي ع بعض البنات والعيال خقق
اللي حبيت أوصله ليه التعصب ع الشعر الطويل مع انه لكل الجنسين بس بشرط مافيه آحد يتشبه بالثآني..
وعاشة رضي الله عنها في حديث لها الحين النص نسيته لكن معنآه إنهم يقصون شعورهم لشحمة الآذن يعني لحدود
الرقبة واقل ...
والرسول -عليه أفضل الصلآة والسلآم - كان سامح لهم بالشيء هذآ مادام مالهم نيّة بالتشبه ...رضي الله عنهن آجميعن..
وكان فيه رجال بعهد الرسول مطولين شعورهم ولآ تجيني وحدة تقول مب فاضين يقصونها صحيح بعضهم مب فاضي لكن
هذي حجة واهية فيه ناس ماتبي حتى فيه حديث للرسول - صلى الله عليه وسلم - معنآه <<لآن النص الحين مب معي
شاف ولد ومحلقين له آهله قزع قال اتركوه كله آو احلقوه كله يعني عادي تطوله دام مافيه تشبه ولا تغنج مثل البنات ....
واللي ماتحب تشوف الشعر الطويل ع العيال عادي بس لاتقعد تحرم وتتفلسف وتقول العيال صاروا خكر وكذ’آآ..
آبو عيالي لو يوآفق يطول شعره كان يطلع زين بس هو مايحب ولال شعره -ماشاء الله تبارك الله - ناعم وكثيف ...
الشعر الطويل لك يالبنت وللولد بعد ...الشرط إنه مافيه آحد يتشبه بالثآني ويكون نظيف ويهتم فيه بغض النظر عن طوله ..
في أمان الله ومتأسفين ع الرد الطويل بس قهرتني بعض الردود وحبيت أبين لهم وجهة نظر اللي يحبون الشعر الطويل ع العيال وآولهم آنآ...
مشكورة آختي ع الموضوع
لنآ عودة بإذن الله للتعليق..~[/align]