السلام عليكم ورحمة الله وبركاته

حبيت انقل لكم وش صار معي امس انا رحت الى بيت زوجتي وطلبتها على شان نتكلم المهم قابلتها بس من دون ما ندخل في صلب الموضوع ونتخذ الأجراءات لأنها طلبت ان امها تدخل في السالفة وانا في البداية كنت رافض لكن قلت اجل نخليها لين بعد العيد المهم دخلنا في العتاب وهي عاتبتني على الفترة اللي راحت وكانت حاسبتها صح وقالت حتى ماسألت علي وانا رديت عليه وقلت لا انا دائماً أسأل عليك وحتى اني ارسلت لك مصروف 200 ريال قبل شهر ثم قالت لي وهي تحاول تكابر لكن الدمعه في عينه واضحه قالت لي اذا خلاص ما تبغني ترا حنا باقي في فترة الملكة وراح ادلك وادور لك على البنت اللي تسعدك لأني ابغى لك السعادة قلت لها انا واثق تمام الثقة اني ما راح اعيش سعيد الا معك واللي صار يتصلح المهم تبين لي انها كانت تبيع اغراض لها وتشتري بالفلوس اللي تبغاه على شان ما تقدر تطلب من ابوها وهي على ذمتي ولا تقدر تطلبني لأنها ما قد طلبت مني ابد فلوس وانا كنت الفترة اللي راحت حق ابو خمس شهور قبل ما تصير المشكلة كنت في ضائقه ماليه وهي تعرف وكانت مقدره لكن في مسألة فاتورة الجوال قالت لي ما قدرت صرت احاول لما عجزت وانت عارف طيش بنات انا ما رديت على كلامها هذا وقلت خير أن شاء الله اذا جاء بعد العيد نتفاهم