السلام عليكم ورحمة الله وبركاته


إخواني واخواتي محتاجة نصايحكم وتوجيهاتكم وخاصة من الرجال لأنكم افهم لنفسيات بعض...


أنا مقبلة على زواج قريبا إن شاء الله..الله يتمم لي على خير..


أردت من زواجي رجل وسند حتى وإن ساندت زوجي بالمال...

صارت ملكتي على واحد وتم الإتفاق بيننا أن اسانده بعض الوقت بالمال لأنه وراه مسؤوليات والتزامات تزول

بإذن الله..وللمعلومية هذا الزواج الثاني لي ولزوجي

بناءا على هذا الإتفاق قمت بالتالي:

** سيارته كانت منتهية وماعنده امكانيات يشتري شي جديد..

ففكرت في مصلحتي ومصلحته لقترة الملكة وما بعد الزواج واشتريت لزوجي سيارة ..عشان يقدر يطلع

وينزل بها من عمله لعندي..لان عمله يبعد عن سكني تقريبا 100 كم..

وأنا ما اقدر أنقل عنده لفترة معينة لظروف هو فاهمها..

الصراحة هو فرح مررررررررررة بالسيارة بس بعد فترة كل ما اتخاصمنا قال برجع لك السيارة..رغم إني عمري

ما حسسته بالمن ومراعية ومحافظة على مشاعره لانه حبيته من كل قلبي...

المهم بعد هوشات اتفاهمنا وحطيت خط احمر عند السيارة..من بعدها صار زوجي ما يجيب طاري السيارة

بالمرة...

**كنا متفقين يكون الزواج بعد الحج لانه يبي ياخذ قرض من عمله مو من البنك ومو متاح إلا بعد شهور

بيني وبين نفسي فكرت وقلت بلاش نأخر الزواج..

لانه أولا محنا صغار..والبعد يجيب الهوشات والزعل لكن لما نكون ببيت واحد يكون الوضع غير..

وظروفه المادية نحلها بيني وبينه..

اتفقنا نقدم الزواج واثاث البيت هو نفس اثاث بيتي مع تغيير غرفة النوم.. وانا بعد شاركته في قيمتها بناءا

على طلبه...ويوم يستلم القرض يعطيني إياه أنا كما هو.. والمبلغ مو كبير

ولا قليل مرة..وانا ماني مدققة في الفلوس لاني أبي رجال وأبي سعادة بنفس الوقت ما أبغى

واحد سلتوح يستغلني...

المشكلة قبل أمس كان عندي.. اختلفنا شوي ومع الزعل قال لي انه مو حاسس ان البيت بيته وحاسس

نفسه ضيف...

أنا بصراحة كلامه نزل مثل السكاكين على قلبي لدرجة نسيت سبب الخلاف ..

اليوم اتناقشنا قلت له شسوي عشان تحس البيت بيتك؟؟

قال أقسم بالله إنك ما قصرتي معي بشي.. وأنا ما احس هالاحساس إلا لما تزعلين وتبعدين وأفقد

حنانك...


إخواني وأخواتي:

هل أنا هبلة وغبية قدمت تنازلات وأعطيت عطاءات في غير محلها؟؟؟؟؟


أبي فزعتكم ونصايحكم..وأي توجيهات ممكن تفيدني في حياتي المستقبلية لا تبخلون بها علي

جزاكم الله الفردوس..