اسمعيني حياتي \
أنا تقريبا من شهر بس مريت بتجربة تشبه قصتك
وراح أقولك إيش سويت
صدقيني راح تستفيدي
أنا رحت عند أهلي طبعا على إني تعبانة
وجلست عندهم كم يوم
في هذي الفترة سويت إيميل باسم بنت وعملت دعوة لزوجي وطبعا سوا قبول
وبدأت أكلمه وأسأله عن زوجته ورسلتله صورة ع إنها صورتي وخليته ألين رسلي صورته المهم جننته
مع مراعاة إنك تخليه يعترف بخيانته وإنه مستغل غياب زوجته وإنه يبغى وحد تعوضه ....
ومن هذا الكلام
وانتبهي انت في هذي الفترة زيدي من حبك وحنانك واتصالاتك عيه وطيحيعليه رسايل حب وشوق عشان من جد يحس بغلطته وما يتهممك بعدين إنك انت اللي قصرتي معاه
المهم بعد كم يوم حفظت كل المحادثات اللي بيننا وسويت إضافة لإيميل زوجته اللي هي أنا
وسويت نفسي بريئة قلت لزوجي جاتني إضافة من هذا الإيميل طبعا هو ارتبك وقالي لا تقبلي
وأنا أصريت قلت هذا إيميل بين يمكن وحدة من صاحباتي
وبدأت أكلمه من ايميل البنت وأهدده إني راح أفضحه عندزوجته وأهلها ورسلت كل المحادثات وصورته ع إيميل زوجته وكتبت لها ريالة كأني فاعلة خير..
وهنا طبعا يجي دورك
تصارحيه وتوريه رسايل البنت اللي هي انت طبعا
وتقوليله الله يهنيك وأنا ما توقعت انك تسوي في كذا وتذكريه بكل الأيام الحلوة اللي بينكم
والله عدها راح يعتذر ويبوس راسك أطلبي منه وقتها وعد إنه ما يخونك وإنه إذا كررها راح تشتكي لأهلك وتوريهم المحادثات
المهم انه راح يتوب بإذن الله
وسامحيه ولا ترجعي تذكريه بغلطته ..
وبالتوفيق ..