منتدى عالم الأسرة والمجتمع - عرض مشاركة واحدة - هنا .... تطبيقات وصفات قسم السلطات والمقبلات والشوربات

16-08-2009, 01:49 AM

دلوعة..حسين

عضو متألق

تاريخ التسجيل: Feb 2009

المشاركات: 1,387

هنا .... تطبيقات وصفات قسم السلطات والمقبلات والشوربات

السلام عليكم ورحمة الله وبركاته..

شخباركم يا حلوات؟
أغلبكم عارف اني بنت كسولة جدا لما يجي الموضوع للطبخ

يعني مستحيل أدخل أطبخ أو أجرب حتى أشوف..والماما الله يخليها ما عمرها غصبتني أتعلم أطبخ لأنها بروحها ما تطبخ الا اذا عندنا عزايم..

المهم يا عزيزاتي اني شفت موضوع الغالية بكر الشايب واتحمست جدا لأن الأطباق لذيذة وسهلة وما تاخذ وقت أبدا..

وعجبني البيض بالمرتديلا وايد وايد وطول الوقت وأنا خاطري أسويه واليوم اتحمست وسويته لأن الماما مسافرة بس أنا سويته عالعشا مو الفطور..

بلييز شجعوني ولو بكلمة لأنها أول تجربة لي ولا تضحكوا علي

بلا حكي زايد ونبدا بالمكونات..

بسيطة جدا

قطع مرتديلا (سلامي), جبن مربعات (سلايسز), بيضتين

أنا ما حطيت فلفل بارد (رومي) لأني ما أحبه وما في حد يحبه بالبيت..

قطعت المرتديلا وصفيتها وبعدين قطعت الجبن أربعة أقسام (استخدمت شريحتين) وصفيتها وبعدين ضربت البيضتين مع شوية ملح وفلفل أسود وصبيتها فوق المرتديلا والجبن..

آسفة ما صورت الخطوات بس أنا لساتني مبتدئة اتحملوني

هاي صور الطبق قبل لا يدخل الفرن..

وهاي صورته بعد ما طلعته من الفرن..أنا خليته تقريبا 25 دقيقة وخليته يتحمر من فوق لأنه الجبنة ما ساحت بالبداية..

عملت معاه شوربة المشروم اللذيذة..

بصراحة طعمه لذيذ جدا والكمية هاي كفت شخصين (أنا وأخوي الصغير)..

انتوا شرايكم؟

هاي رابط الموضوع الأصلي

وصفات منوعة لفطور شهي (بالصور)

تسلم ايدك يا بكر الشايب بسببك دخلت المطبخ الله يجزاك كل خير..

تحياتي..

__________________

فما غاب عن عيني خيالك لحظة..و لا زال عنها و الخيال يـزول