نعم مراقبة الناس هم وابتلاء اسال الله ان يبعده عن الامه الاسلاميه
خصوصا اذا كان في امر ماله علاقة بالدين ولا ياتي من ورائه ضرر على احد ويعتبر شان خاص لعائله او قبيله..





مثلا انا عندي طفل واحب اطوله شعره لحد تحت اذانيه لاني احس انه كيوت ولذيذ عليه ،، فهذا شي يرجعلي،، ابني وانا حره فيه طالما ما اذيتك بشعره وين المشكله؟ايش نوع الاذى اللي رح يجيك اذا طولتله شعره؟

واطالة الشعر مش منكر طالما الهدف منه مش التشبه بالنساء لانه لو كان منكر ما كانو ايام الصحابه مطولين شعرهم والاولى كان نهرهم الرسول عنه..فاين المنكر في ذلك؟

عندي صور قدييييييييييمه لجد ابوي مع مجموعة من الرجال (امراء قبائل) فيه ناس كانو حالقين وفيه ناس كانو مطولين شعرهم لحد اكتافهم وفيه ناس كانو مجدلين شعرهم من طوله!! افتحي كتب التاريخ كمان واتفرجي عالصور القديمه..

انا كلامي هذا اللي اقصده انه مش مشكله كبيره اذا الطفل اهله طولوله شعره (طالما انه مش نيتهم التشبه بالبنات)...

عندي ولد اختي.. تجي احيانا اوقات امه تطوله شعره خصوصا بالشتاء (تقول عشان يدفيله راسه ) بس هل معناته لو شافه احد بمكان عام حينتقده او ينتقد امه؟؟ لا طبعا لانه اولا ما عملت شي حرام ثانيا ما اذت احد بيه ثالثا ولدها وهي حره فيه..


كمان في بعض الددول العربيه (من دون التطرق الى اسماء) رجالها اغلبهم مطولين شعرهم وبتشوفي الشعر طويل من تحت الغتره لانه هذي عاداتهم وهم متعودين كذا من زمااااااااااااان قبل ما يشوفو الغرب او يعرفوهم يعني مش مسالة تقليد ابدا..



اتمنى تكون فكرتي وصلتك..

__________________