على اي حال اختي ممكن انه يتجاوز كل الخطوط ، الا خطوط الاهل ، وتصل لدرجة انه يسبهم ويغلط عليهم.

قولي له اذا ما تبيني او ماني عاجبتك عندي اهل يلموني ويضموني.

ولكن اختي الكلام هذا الي كتبته لك فوق ما ينقال بها الطريقه، ينقال بطريق الحوار والنقاش وبا الذوق، لعل ها الاسلوب يخليه يحترم نفسه ويحترم خوال وجدان عياله.

نصيحتي لك اجلس وتفاهمي معاه ، وكلميه ، وحاوريه ، واتمنى توصلين لنتيجه، ترى ها النوعيه من الناس ممكن حتى النقاش ما يقبلها ،وما يتقبلها، وممكن لو تقولين له لا تسب او تغلط على اهلي ، يبدا بسبهم دايركت، يعني خليك متماسكه ومهديه الامور ، قولي له وش لون تبي عيالك يحترموننا وحنا كل يوم هواش وخناق قدامهم ، وانتي تغلط علي وعلى اهلي وهم يغلطون عليك لأنهم يشوفونك جالس تعذب امهم ولا تحب خوالهم ، حاوريه با الكلام اهم شي خليك هاديه مثل ما قلت لك.

الي يصير بينكن انا شخصياً متقبله، ولكن الا الاهل ، لا توصل لها الدرجه.

الله يسهل امورنا وامورك ، ويوفقنا ويوفقك.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.