بقية قصتي
المهم والدي دخل وراه لقاه يجمع ملابسه فاخذهم منه وقاله يابني سيبك من شغل الاطفال هذي كيف تلم ملابسك عيب احنا في غربة مهما كان حتى لو طلقت بنتي احنا اهل في الغربة انتظر خلنا نشوف ايش صار انا مش زي والدك
قاله لا انا مالي غير اب واحد بس
المهم ترك البيت وراح جلس في فندق وكل يوم ابوي يتصل عليه عشان يجلس معاه ويشوفه حل يتهرب منه مرة مايرد عليه مرة قلة تربية طبعا
المهم انا ساعتها صارلي حالة ذهول
المهم ماعرفت احد من اهله لاني اعرف رد فعلهم ابوه قبلها باسبوعين مطلق امه واخوه مطلق زوجته قبلها بشهر الموضوع عندهم عادي جدا
لقيت حماتي متصلة علي تقولي ليه ماعلمتيني قلتلها اعتبرتها لحظة شيطان والله يهديه
لقيتها تضحك باستهزاء وتقولي صحيح بغيت اسالك هو صحيح طلقك امام ابوك وجالسة تضحك يعني ان ابنها متهور
وقالتلي عادي عادي لحظة عصبية انا كدا وسلفتك كدا عموما عادي بيروح عند الشيخ ويردك وخلصت
انا ساعتها كلمتها خلتني بركان غضب
وبرضك والدك غلطان ليه يقول لابني سيبك من تصرفات الاطفال عيب على ابوكي انا ابني رجل مو طفل صغير لازم تكلمي ابوك انه عيب عليه كدا
لها الدرجة شرع الله والطلاق عندكم سهل كدا؟؟
لها الدرجة يا حماتي ماعندك اي تقدير لما فعله ابنك واساءته لي ولابي؟؟
ابنك بس طلقني لاني اغلقت الهاتف في وجهه
كل المشكلة كيف اتجرات واغلقت الهاتف في وجهه بعد ماجلس يشتمني انا وابوي باقذر الالفاظ عاااااااااااااااااااادي جدا
تقولي ايه المشكلة لحظة عصبية عادي
ابنها من حقه يشتم لحظة عصبية اما والدي مافي من حقه اي لحظة عصبية وانا مافي من حقي اي لحظة عصبية
لحظة العصبية محتكرة لهم هم فقط اما احنا لا؟؟
شفتو الجبروت ياناس
وجدتني بكل عفوية اقول لها عموما
انا ماراح ارجع لابنك غير لما يحجز اول طيارة يلاقيها وييجي هنا يراضيني
قالتلي خير ان شاء الله
قلتلها والله لما حماي طلقك زوجي حجز اول طيارة ونزل
ولما سلفي طلق زوجته زوجي حجز اول طيارة ونزل وانا ماني اقل منها اذا هي زوجة اخوه انا زوجته
وصارت تصرخ وتقولي اخرسي ايش هالكلام
عموما انا ماحبيت اقولك انه منبه انو ولا انتي ولا اهلك احد
يتصل عليه لانه حلف انه راح يسوي فيكم اشياء مش كويسة وبصراحة هو مايريد يسمع صوتكم بعد مانتي قفلتي السماعة بوجهه عيب عليكي هذا رجل
قلتلها الرجل يسب والدي انتي تقبلي اني اسب حمايا
قالتلي انتي مجنونة ؟؟؟
لما زوجك يسب ابوكي طبعا غلطان لكن هما رجال مع بعض اما انتي امراة كيف بتحطي راسك براس حماكي
عشنا وشفنا المراة تضع راسها براس الرجال
قلتلها الاحترام ماله علاقة برجل او امراة انا حتى لما ابنك هان ابي ماهنتكم لانه ابوي رباني عيب اهين الي اكبر مني او احد ماله ذنب
المهم نهينا المكالمة
بعدها اتصل اخو زوجي سالني عن الي صار قلتله مافي شيء اخوك طلقني لاني سكرت السماعة بوجهه قالي طبعا انتي غلطانة
قلتله وهو لما يسب ابي مش غلطان قالي مهما كان هو رجل اما انتي امراة
قلتله على فكرة اخوك قفل السماعة بوجهي بدون مبالغة مئات المرات
قالي انتي ماتفهمين اقولك انتي حرمة لكن اخوي له كرامته قلتله وانا كرامتي انا وابوي ماراح استهين فيها
قالي طيب انا عندي حل
قلتله اتفضل
قالي روحي عند اهلي (وانا مطلقة شفتو الاستهانة لاي درجة)
واجلسي ابكي وقوليلهم انا غلطانة وماراح اسوس كذا مرة ثانية واهم شيء والدي ابغاكي تراضيه عالي سويتيه في ابنه لانك قفلتي السماعة في وجهه_الي هو زوجي)
وبعدين احنا راح نتصل فيه ونقوله زوجتك جت وصارت تبكي واعترفت بخطاها خلاص رجعها عشان اولادك وساعتها بيردك ويخلص الموضوع؟؟؟؟
ياناااااااااااااااااااااااااااس ياعااااااااااااااااااااالم انا مجنوووووووونة ولا الناس هاذول هما الي مجانييييين؟؟؟
احس المراة عندهم هوى او كاننا بعصر المماليك
قلتله هذا رايك؟؟
قالي نعم قلتله مرفوووووووووووووووووووض مرفوووووووووووووووض مرفوووووووووووووض مع كامل احترامي لك
قالي كمان انتم غلطانين انتي ووالدك مافي احد فيكم فكر يتصل على والدي ويكبره ويحكيله الموضوع
قلتله طيب ليش ابوك ماتصل يراضينا على تصرفات ابنه؟؟
انا والدي له ثلاثة ايام جالس يركض ورى اخوك ويتصل عليه واخوك جالس يتهرب منه ليه ابوي كل همه انه ماينخرب البيت
كل همه الطفلين الي بيني وبين اخوك وابوك كل همه انه احنا الي نتصل عليه عشان يحس انه هو الكبير
قالي بلهجة استنكار كاني قلت كلام عيب؟؟
نعمممممممممممم
ابوي هو الي يتصل عليكم
انا والدي ياماما مايتصل على احد
طبعا مرارتي انفقعت
قلتله خلاص واحنا ماراح نتصل قالي بس خليكي متذكرة اني مديت ايدي لكي بالحل وانتي رديتيني ورفضتي ابوي يدخل قلتله بالعكس والدي ووالدك هما الكبار الي لنا خليه يتدخل
قالي
لااااااااااااااااااااااااا
اتصلي انتي او ابوكي عليه قلتله الي يبحث عن الخير مايدور احد يعزمه
وانهينا المكالمة
لي عودة بعد سماع ارائكم