باالعكس اختي

انا لما ارجع من الدوام اسال زوجتي هاه وش سويتي كلمتي احد ، احد كلمك، وش عندها عسى خير، ولما تقولي موضوع اتناقش انا وياها فيه ، نسولف عن الي صار اليوم بشكل عام ، ولما تقولي فلانه من البشر سوت كذا ، اشاركها الموضوع افا ليش صار كذا ، طيب ورى ما سوت كذا ، عاد تخيلي لو انتي الي مسويته ، لو اني انا وانتي الي مرينا با الموقف ، يعني من هيك حكي ، نجلس نتناقش ونفطع الوقت با السوالف والحكي اذا ما عندنا شي ضروري نبي نسويه او نخلصه او نتناقش بشيء.

وهذا ما يعتبر غموض يعتبر قلة كلام، ولكن موب للدرجه هذي، كلنا ما نحب الحريم الي كلامهن واجد ، ولكن عاد لا تكون ساكته طول اليوم.

با العكس قولي له ،واجلس تناقشي انتي وياه ، سولفي انتي وياه وانتوا تاكلون فواكه،حلى ، تتقهوون ، يعني لا تخلون ها المكالمه او العرس جلستكم الرئيسيه ، ولكن خليها وسيله انكم تفتحون الف موضوع وموضوع، صدقيني بتفهمين زوجك اكثر ، وبتعرفين وش لون يفكر ، وبتعرفين وجهة نظره في اشياء كثيره.

انا ما احب أمر ، ولو ابي اقول شيء بخاطري ممكن اطلع الف وسيله ووسيله عشان ابين وجهة نظري،وهي تفهمني من دون ما اوجه الكلام لها دايركت.

وانتي برضوا ناقشيه وسولفي وتحدثي، خليه يفهم وجهة نظرك، اهم شي لا تحشون بخلق الله.

الله يوفقنا ويوفقكم.

__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.