ولا يهمك .. أنا عارفه أنك مو متحسفه عليه لأنه ما يستاهل
بس عشان الحركة الغير أخلاقية الي عملها اهي الي أثرت فيك
يعني بعد النظرة الشرعية توه يتكلم في العمر .. صحيح ما يستحي
ما أدري هالبلاوي من وين تجي وتتحذف على بنات الناس
والله هالاشكال تتحسفين تطالعين وجهه
لكن لا تخلين واحد مثل هذا يحبطك أو يقلل ثقتك بنفسك
وهذي هي الحياة دائماً الأشواك بجانب الأزهار .. بس وجود الأشواك مو معناته
أن الدنيا مافي ورد .. لا ابد
بس الله وضع هنظام عشان نعرف نفرق بين الجمال والقبح .. بين الخير والشر
ووجود الشر في كل مكان لا يعني أن الخير غير موجود
عشان كذا لا تهتمين كثير اهو تصرف حسب تربيته وأخلاقه
و ( كل إناء بالذي فيه ينضح )
مو كل الناس متربين ولا كل الناس عندهم إحساس
في ناس جمادات تمشي وناس بلا قيمه وناس وحوش الله يكفينا شرها
و إن شاء الله بكرة بتشوفين الي احسن منه وبس يطري على بالك بتقولين الحمد لله أنه ما كان نصيبي
المهم الحين انتبهي لنفسك ولا تفكرين لا في زواج ولا في وجع قلب
الزواج مو نهاية المطاف ولا اهو الراحة الحقيقية
الدنيا كلها مافي راحة
إن جلستي بدون زواج مو مرتاحة
وإن تزوجتي بعد مو مرتاحه
عيشي يومك واستانسي فيه لين الله يكتب لك الخير لليوم الي بعده
__________________
..كالاطفال نحلم إننا ننام على سحاابة بيضاء يعطرناا المطر ..
التعديل الأخير تم بواسطة باريسا ; 05-08-2009 الساعة 11:20 AM