بالكلام اللين ممكن بجلسة هادئة انك تفتح معها الموضوع و تشرح لها انه انتم بأول طريق زواجكم و انه الحمل عليك شوي ثقيل و لازم توفر مصروف معين تتركه للظروف الصعبة او لـ..... (حسب حاجاتكم)
و انه هالشي رح يكون صعب طالما مصروفكم متل ما هو
و اطلب منها بشكل مباشر انه تخفف مصروفها
مصروف زوجتك عادي عند ناس و عند ناس مو عادي
لكن ما ممكن تحاسبها و تطلب منها تعيش متل عيشتك انت
الرجل مصروفه أقل من نواحي الملابس و المسلتزمات الشخصية
و بطبيعته الرجل لا يفكر بالتغيير كما تفكر المرأة
فاتركها على حريتها
لكن اطلب منها تخفف شوي من النواحي اللي ممكن تخفف منها
مثلا تجديد الجوال
أو شراء فساتين المناسبات (اطلب منها تبحث أكتر و أكتر لعلها تجد شي أرخص )
و مو ضروري لكل مناسبة فستان ممكن تكرر
انت كن كريما معها لكن اطلب منها تكون بالمقابل مزوقة معك
زوجي كريم معي - الحمد لله ما شاء الله - و ما بناقشني بشي لما بسأله ليش ما بتناقشني بمصروفي ؟ بقلي المثل ( إذا صاحبك عسل لا تاكله كله)... بضحك و بقله حاضر
المواضيع المادية حساسة شوي و بدها سياسة خصوصا انكم بأول زواجكم و مو متعودين على بعض
لكن اللي أوله شرط آخره سلامة
اطلب من زوجتك أمر واحد فقط و هو المرونة
يمعنى انه
اذا أحوالك المادية مرتاحة قل لها انك ستكون كريم معها لآخر حد
لكن يا زوجتي انا لو صار معي ظرف مادي و ساءت أحوالي بتقدري تتأقلمي ؟
هون ببين حبها لك
خد منها وعد انها تكون متفهمة لظروفك على كل أحوالها و متعاونة و فهمها انه مستقبلكم مشترك
و مصلحتك هي مصلحتها
و ان شاء الله كله بنحل بالتفاهم