اهلييين حبيبتي ثبااات

ربي يسعدك ويفرج همك ويوفقك ويشفي زوجك يااارب

والله ياقلبي مدري شقول لك بس بشرح لك الوضع شوي


تشخيص حالة زوجك

1-اذا حقيقي مايتعاطى حبوب الامفيتامينات والكبتاجون فالتشخيص احتمال كبير فصام عقلي تسمى في الطب(Schizophrenia) وهو يختلف تماما عن انفصام الشخصية المتعارف عليه عند العامة:

والفصام العقلي له انواع وان شاءالله يكون زوجك من النوع البسيط ..

والمريض الفصامي يكون في حالة نفسية مضطربة ومستثارة يعني الكلام اللي كان يقوله لك مجرد يفشش خلقه فيك وهو طبعا ماراح يسوي منه ولاشي

المريض الفصامي يكون عنده زيادة في مادة في المخ تسمى الدوبامين (Dopamin) وزيادة هذي المادة تسبب كل الاعراض الموجودة مثل الهلاوس والضلالات في التفكير وعدم ترابط الافكار والاكتئاب (زي ماقلت لك من البداية شكي طلع في محله انه زوجك الاكتئاب اللي عنده عرض لمرض وزي ما ذكر اخوك انه قديم ) وايضا يسبب الوسواس والعزلة والشعور بالوحدة والشعور بالاضطهاد وفقدان المتعة في الحياة وفقدان العاطفة( مثل ماذكرتي عند زوجك مع ابنائه) وتكون حياته الجنسية مخربطة شوي مثل ماذكرتي مرات كذا ومرات العكس .. واعراض اخرى تناقشت معك فيها من خلال اسئلتي لك واخرى كثيرة ..
وعلى فكرة الاعراض هذي ماتجي مرة وحدة
هو غالبا بداية ظهور المرض يكون من سن المراهقة
وتكون بدايته خفيفة جدا ممكن تكون بس حب الانعزال وشعور بالوحدة
وبالتدريج تتطور الاعراض ومن اعراضه مع الوقت ممكن يهمل نظافته الشخصية وممكن يترك عمله ويصير لايمكن ان يقوم بابسط الاشياء حتى على المستوى الشخصي وتزيد عنده الهلاوس بشكل ملحوظ
( الهلوسة هي انه تشوفين الشخص المريض يتكلم مع نفسه او يضحك بدون سبب انتي تشوفينه كذا وتشوفين هالتصرف ماله مبرر بس هو لمن يتكلم يكون يسمع اصوات تتكلم معه وهو يجاوبها او يشوف اشياء ويضحك عليها طبعا كله من تاثير الـDopamin على المخ يصور له اشياء غير موجودة في الواقع ) بس يااارب زوجك مايوصل لهذي المراحل لان احتمال كبير زوجك من النوع البسيط وباذن الله يستجيب للعلاج ..

واللي يميز (اقصد يفرقه عن غيره من المرضى النفسيين ) انه المريض لايعترف انه عنده مشكله ولايبحث عن حل لانه اصلا مو معترف بعكس مثلا مريض الوسواس القهري فهو يرى انه مشكلة ومضايقته ويبحث عن حل وطبيب نفسي يحلها له
وايضا الفصامي لايعترف بان تفكيره خطأ

السبب الحقيقي للفصام غير معروف الى الان والعلماء يبحثون فيه لكن الى يومك هذا لم يعرف سبب رئيسي للمرض ... لكن فيه عدة عوامل تزيد من نسبة حدوثه عند الشخص منها مثلا الوراثة والعوامل الجينية والضغوط والصدمات النفسية
2 - اذا زوجك يتعاطى حبوب امفيتامينات او كبتاجون فكل اللي عنده من تاثيرها لانه هذي الحبوب تزيد مادة الـDopamin في المخ وبالتالي تعطي اعراض مطابقة تماما لاعراض الفصام العقلي لكن مجرد ان الشخص يتوقف عن تناولها يرجع طبيعي ..

علاج المريض الفصامي راح يعطونه دواء يضاد الـدوبامين بجرعة معينه يعني يقلله من المخ بدرجة تكون مناسبة يعني مايلغيه لا يقلله الى ان يصل الى النسبة الطبيعية عند الانسان وهذا يبي له دكتور عنده ضمير واهتمام بمتابعة حالة المريض وتطوراتها ومدى استجابته للعلاج والجرعة.. يبدأ بجرعات قليلة جدا ويزيد مع الوقت الى ان يصل الى الجرعة المناسبة .. وايضا راح يعطيه دواء منوم اذا كان يشكي من اضطرابات في النوم ..

وعلى فكرة العلاج النفسي غالي جدااااااااااااااااا والمريض يحتاجة لمدة طويلة عشان كذا انصحك بالمستشفيات الحكومية بس اهم شي التفاهم مع الدكتور والتواصل معه


عزيزتي انا شرحت لك شرح مبسط عن حالة زوجك واعراضها وعلاجها عشان يكون عندك لو فكرة بسيطة

واذا تبين تسألين عن اي شي او تبين تفهمين اكثر انا حاضرة

الصراحة زوجك يحتاج الى العلاج باسرع وقت ممكن قبل ان يتطور المرض اكثر من كذا .. حالته لايمكن انه ينسكت عليها بس انتبهي تتناقشين معه او تفسرين معاه شي لانه زي ماقلت لك المريض الفصامي لايعترف ويحب العناد .. ولازم في جلسات العلاج احد يتفاهم مع الدكتور بالاضافة لزوجك ولازم تنقلون ملاحظاتكم على العلاج اول باول للدكتور.

هذا رأيي والله اعلم

ربي يشفي لك زوجك ويخليه لك ولعياله