اقتباس:
المشاركة الأصلية كتبت بواسطة أم _حمزة
السلام عليكم ...
أخي الكريم ... أنا طبعي تماما مثل طبع زوجتك إذا الموضوع ينرفز يبد صوتي يعلى وأعصب وكل الكلمات الانفعالي تطلع مني زي الرشاش أو الرصاص حتى ...
زوجي كان اول ما يبدأ صوتي يعلى يسكت وما يرد علي لين أخفض صوتي ...
أخي الكريم الشغلة هذه جدا صعب تتخلص منها بيوم ليلة يبغالها وقت طويل وكل ما صبرت أكثر كانت النتيجة أفضل وأنا أقولك أني تغيرت كثييييير وتحسنت طريقة نقاشي كثير لدرجة اني أحيانا لما أبغى أبدأ انفعل ما يعلي صوتي لكن أثقل كلماتي لين يظهر في معانيها الانفعال بدل ما أرفع صوتي وصار زوجي هو اللي يتنرفز من الكلام وحجمه وهو اللي يعلى صوته ..
يعني باختصار اذا شدت زوجتك ارخي انت والعكس صحيح ...
أختك .. ام حمزة
|
والله يا أختي أم حمزة ... أنا عارف إن الشغلة هذي جدا صعبة ويبيلها وقت طويل .... بس من جد شي ينرفز ويقهر ..... والله أحيانا أقول لو مابينا عيال .... كان المسألة أهون بكثير... وماراح هي تحس بمصدر قوة ... وتحس على دمها شوي وتحمد ربها على زواجها بي .... هذا مو غرور ... بس من جد أنا مو مقصر عليها بشي ومع ذلك .... لا حمــــــــــــــــد ولا شكــــــــــــــــــــر
وأنا والله دايما أحاول إخماد المشكلة من بدايتها .... بس هي الله يهديها من النوع اللي يصعد المشكلة .... ويسوي من الحبة قبة على قولتهم .... بس لما الموضوع يكبر ... أتنرفز وأعصب .... ويتعقد الموضوع .... وتبدا زوجتي المصون بتقمص دور المظلومة ....وتندب حظها معاي ... وتزن وتحن ...إلى أن أراضيها بس عشان أفتك ...يعني تشتغل علي بحرب نفسية
والله تعبت من هالشي ....ودي أعيش حياة مستقرة معاها .....ماتعطيني فرصة أبـــــــــــــد
ودايما عندها قناعة إن أنا الغلطان ... وأنا ظالمها ...فنانة في لعب دور المظلومة
مرة نرفزتني وضربتها لاشعوريا ... تركت البيت وراحت بيت أهلها وخلت العيال عندي في البيت ... وياجبل مايهزك ريح ... أبد راحت وراح خبرها معاها ....وأنا اللي تبهدلت.... إلى أن إعتذرت لها وقدمت لها كل اللي يرضيها .... ورجعت ... بس إلى هاليوم وهي تعايرني ...تقول .... لو كنت رجال كان مامديت إيدك على حرمة !!! ....لو كنت رجال؟!! أجل وش شايفتني!! .... والله الكلام يطول مع هالنوعية ....والمواقف كثيرة
وأنا فعلا قاعد أفضفض من اللي أعانيه ...لأني ما أقدر أشتكي لحد يعرفني
الله المستعان