من جد انا والله بديت افكر بنفسي الى متى على هالحال

اجلس مع نفسي واقول معقول كل اللي سويته ولا تبي تغير لهالدرجه المرض مرضها لما تكون معااااااي والله كانه سحر

اليوم هي عند اهلها قبل لاوديها قلت لها انتي وشلون وضعك هالمره معاي تحسين انك احسن

تقول ايه احسن من اول يعني هي تشوف انه كلمتني او ردت علي بشي انها متحسنه

مدري كيف تشوف الامور على نفسها وعطيتها مصروف عشان العلاج ومراجعاتها والجلسات

وموعد الدكتوره بعد شهر قلت لها راح اجيك على الموعد واشوفك باحسن حال وش احسن من كذا تشجيع لكن انا ما تشجعني وانا مبي الشي هذا بالله اقولها اذا عطيتها شي تقولي شكرا

ما تقدر ليه مدري شي ينفر كانها ملبوسه انا مقدر اعيش على هالوضع ابي انسانه

تعاملني بمحبه وتحن علي بعد ما دخلت بيتهم وسلمت على ابوها وسالني عنها

عارف وضعها قلت انا اعالجها واهي مو مرتاحه قال الله يكتب اللي فيه خير

وانا ادعيلكم واللي فيها نظره وجلست مع امها قلت اهي مو مرتاحه ومراعي نفسيتها


وعطيتها علاج الشيخ عشان تستخدمه هالفتره

والا انا بدت تغير نفسيتي احيانا اقول معقوله بقعد طول العمر كذا هذا باول الزواج حرمان

اجل كيف بعدين اذا صار بينا اطفال ما راح يمكن تتقبل شي واحيانا اقول لا بعد العشره والعلاج

تغير 180 درجه بعد شفاءها لكن انا بصبر الشهر الجاي ويمكن اللي بعده اذا شفت فيه تحسن وحدي

يمكن لرمضان بعدها خلاص بقول بتزوج سواء طلبت الطلاق بطلقها او بطلقها واشوف وضعي

اذا كان الطلاق علاج لها يمكن ربي يوفقها لاني متاكد والله اعلم محد راح يداريها زي ما داريتها

وحده تحسن لها وتبادلني بلا مبالاه واصبر واحتسب عشان عارف انها مريضه ربي يشافيه ورحيم

معاها وبعضهم يمكن نفسيته ما تتقبل حتى لو اللي قدامه مهما يكون مريض

لكن كله عند ربي والله اني ادعي لها سواء ربي وفقني معاها او لا

يعطيك العافيه على ردودك تعبتكم بقصتي بس شسوي افضفض يمكن
يخفف من همي

__________________
أستغفر الله اللذي لا اله الاهو الحي القيوم واتوب اليه