طبع زوجتي ماقدرت أغيره
السلام عليكم
صباح الخير للجميع
عندي مشكلة مزمنة مع زوجتي وحبيت أطرحها لكم لعل وعسى تفيدوني أو على الأقل تخففون علي
أعرفكم على نفسي بالبداية أنا الحمد لله إنسان عاقل وبيتوتي جداً ومراعي أمور ربي ولا عندي مشاكل مع أي إنسان
تزوجت قبل سنتين ومن شهر العسل لاحظت إن زوجتي ماهي ناضجة ولا تعرف شي عن تعامل المرأة مع زوجها ولاحظت انه
لما تزعل أو يصير نقاش تعاملني مثل تعاملها مع خواتها يعني رفع صوت ورد الكلمة بكلمتين
وكان عندها قصور بعدة جوانب كبيرة جدا جدا
منها على سبيل المثال جاها رهاب من عملية الفض ووقفت معها وقفة صادقة وحاولت آخذ بيدها وتعاونت معها إلى آخر الطريق
استمرت المشكلة 9 أشهر كاملة وأنا صابر و أحاول أحل المشكلة بكل الطريق رغم إنها هي سلبية جدا ومحبطة و عندها يأس كامل
وديتها لكم دكتورة عضوية وقالوا مافيها شي ورحت فيها لأخصائية نفسية وقالت لنا فيها رهاب بعدين اتصلت على الدكتور طارق الحبيب
وأرسلني لدكتورة نفسية وسوينا برنامج علاجي عندها وبرضو ما انحلت المشكلة لين انحلت المشكلة بآخر المطاف
هذي مشكلة وحدة وفيه مشاكل أكبر منها بكثير بكثير بس أنا ما أحب أقولها لكم
المهم أنا لاحظت القصور فيها وحبيت أوجهها وأعلمها لكن المشكلة هي ماتعتبرني مصدر تعلم لأنها تعتبرني ند لها وراسها براسي
عطيتها مفضلة المتزوجين الجدد لأني قريت فيها مواضيع حلوة تصدقون إني عطيتها من مدة سنة و8 أشهر وإلى الآن ماقرت
إلا موضوع واحد مع اني كل فترة أذكرها و أقول لها اقري مواضيع تفيدك
حاولت أرفع مستوى تعاملها معي وأوضح لها إن من حقي الاحترام وغيره ولكن مافيه فايدة
مشلكتي الكبيرة معها إنها ترى إننا واحد يعني راسها براسي يعني مثلا إذا شريت جوال لازم أشري لها جوال وإلا تصير مشاكل كبيرة
تصدقون مشكلة الجوال هذي استمرت أشهر تقول ليه أنت تشتري لنفسك جوال ولا تشتري لي هذا ظلم وأنا أقول لها أنت عندك جوالين
وش تبين في الجوال ؟
اضرب لكم مثال ثاني
مرة قاعد أفرش أسناني وهي واقفة جنبي وأنا أفرش طاح معجون أسنان على المغسة قالت نظفه جيت أخذت موية بيدي ورشيتها عليه
بس ماتحرك لأنه لاصق جيت أنا تركته قامت تحلف وتقول والله ما أغسله وصارت بيننا هوشة كبيرة ذاك اليوم
مثال ثالث
قبل أسبوع غيرنا موية البيت جت وقالت لي الموية فيها ريحة سكت أنا يوم جاء بالليل قال لي أخوي الموية فيها ريحة ديزل يوم جاء
بعد الفجر أسولف أنا وايها وقلت لها فعلا قال لي فلان ان الموية فيه ريحة قامت هي وعصبت قالت ليه تصدق فلان ولا تصدقني
وقامت تصارخ وتسب وتقول لي حركة وصخة يالوصخ
أنا كنت أظن مشاكلنا بسبب عدم نضوجها لكن هالحين بعد سنتين من الزواج و هي دخلت 26 سنة ويبدو لي إنها أطباع ولا يمكن
تتغير
حاولت معها بكل الأساليب وبالتدرج
نبهتها
نصحتها ووضحت لها وعلمتها
هجرتها
ضربتها
طلقتها طلقة
لكن مافيه فايدة كل مرة توعدني بالتغير ومع أول مشكلة بسيطة ترجع مثل أول رغم إن فيه تغير بسيط جدا لكن نفس المشكلة مازالت موجودة
ويزيد المشكلة عنادها ويباسة راسها يعني مثلا لاصرنا انتهاوش وأشوف إن الأمور بدت تكبر أسكت عنها وأقول لها اسكتي لكن تستمر
وأحاول أسكتها بس ترفض وتستمر تصب الزيت على النار لين تكبر المشكلة أكبر من أول مية مرة
أنا ما أنكر إني أنا أخطي بعد بس أنا أبذل كل شي لسعادتنا وهي الله يجزاها خير مثلي إلا في المشكلة الي قلت لكم ما أظن إنها تقدر تغيرها
وأنا بكل صراحة ما أقدر أعيش معها إذا استمرت بالطبع هذا رغم حبي الشديد لها لأني ما أتخيل المستقبل معها إذا هي كذا لأني الآن ما أخطي
عليها وهي معيشتني بجحيم فكيف لو أقصر بحقوقها أو يصير لنا ظروف صعبة
أنا طول عمري أحلم بالانسانة البسيطة الي تقدر زوجها وتحطه فوق راسها
أنا الآن أفكر بطلاقها نهائيا وقراري ماهو قرار ارتجالي أو متسرع قراري هذا جاء بعد تفكير وإعطاء فرص كثيرة جداً جدا جدا ومحاولة
تغير الطبع بكل الطرق
أنتظر أرائكم