موضوع بعيني متميز.

لي اخيين.

انا من عشر سنوات وانا متغرب ، من امريكا الى الرياض واخرتها الشرقيه، وانا اهلي با الشرقيه، ماعشت مع اهلي الا وانا صغير الى الثانويه.من تخرجت من الثانويه ورجعت السعوديه ما اقعد معاهم الا الويك ايند، حتى الان.

المهم

انا اخواني الثنين الي اكبر مني متزوجين ، وامي وخواتي علاقتهم حيل قويه مع حريم اخواني، امي تعاملهم مثل بناتها ، حتى انها ما تشتري شي لأخواتي الا وتشتري لهم مثل ما شرت لبناتها.

اخواني الثنين متزوجين، الكبير قبل سبع سنوات والي اكبر مني دايركت متزوج من خمس سنوات، علاقتنا كأخوان، واعزهم من معزتي لأخواني ، صحيح بعيد منهم ، ولكن احياناً يسألون عني زوجتي بحكم اننا متربين مع بعض، وزوجتي توصل السلام.

انا اشوفهم معاي محترمين جداً، وانا كذلك، اوكي نجلس مع العائله كلها احياناً ولكن مابيني وبينهم ذيك العلاقه بحكم ابتعادي الدايم عنهم، من تزوجت حسيت ان زوجتك حبتهم حيل،وهم كذلك،دخلوا مع بعض بسرعه ماشاء الله تبارك الله ولا احب اتدخل في اي شي بعلاقة زوجتي بنسوان اخواني.

الزبده كلهم محترمين، ومتربين ماشاء الله عليهم، وهذي بركات الله ثم بركات امي الله يحفظها، لأني امي هي الي مختاره حريم اخواني الثنين.زوجة اخوي الكبير بنت خالتي وزوجة اخوي الثاني بنت عمي، هذا طبعا بحكم عاداتنا وتقاليدنا.

الله يستر علينا وعليهم وعليكم وعلى جميع المسلمين.

موضوع مميز وشكراً.