اجيتلكم باشي بفرح كتييير الحمد لله جوزي مبارح حذف كل المواقع بمفضلتو وحلف يمين عظيم انو ما رح يشوف ابدا هيك مواقع لانو بس شاف اديش انا زعلت وغيرانة عليه حس انو ممكن يفقد زوجتو حبيبتو على اشي فاضي ووعدني انو ابدا ما يفكر بهذا الاشي وانو الي ما بعجبو في رح يحكيلي اياه بصراحة وانا ما رح ازعل منو ابدا بتعرفوا يا بنات شو الاسلوب الي انا استخدمت مع جوزي بهاي الايام القليلة التطنيش وخليت ثقتي بنفسي قوية كتيير وصرت اهتم بحالي بزيادة ولما يفتح لاب توب اقوم من جنبو يعني فرجيتو إنو انا اعملت الي علي ونصحتك وانت حر ما رح احرق اعصابي اكتر من هيك
وبعد ما صارحني انو ما رح يرجع للافلام الواطية حكيتلو من دون ما توعدني انا بعرف انك رح تبطلها لانو جوزي ما في زيو واكيد هاي نزوة لانك بتصلي ووحدة من الاخوات حكتلي بالمنتدى انو اخرة الزنا سوء الخاتمة فحكيتلو هيك وانا عنجد ارتحت من جوا قلبي وبيني وبين حالي متاكدة ان شاء الله انو ما رح يرجع وعقبال الهداية لكل وحدة مؤمنة انو جوزها يبطل يتفرج على هيك اشي