عزيزتي قلبي معاك
خليتيني أحس بوضعك كأني مكانك
لا حول و لا قوة إلا بالله
من وجهة نظري .. مافيه شي يجبره يبكي ويقولك انه يبغاك وما يبغا الطلاق .. يعني ما أظن انه مجبر يكذب
بس انتي عشان عشتي جرح كبير منه .. مو قادره تصدقي أي شي يقوله ,, ومعاك حق
خصوصا انك تقولي انه الكذب طبعه ..
سبحان الله يمكن الله يكتب هدايته وتغيره على يدك ..
عطي نفسك فرصه .. ريحي أعصابك .. ونقي أفكارك .. وهذا ما رح يصير الا اذا رحتي عند أهلك لفترة
ومنها تشوفيه هل رح يشتاقلك ؟؟ وكيف رح يكون كلامه وتصرفاته في هالفترة
حاولي تفكري بهدوء وحكمة
لا تسمعي كلام اللي يقولك اطلقي بأسرع وقت .. القرارات السريعه دايما غلط ..
محد من اللي ينصحك بالطلاق الحين رح يفيدك بعدين .. هذا قرارك انتي وبس
سواء بغيتي الطلاق او الإستمرار ..
انا أحس زوجك قابل للتغيير والتقويم .. خصوصا انكم لسه شباب صغار ..
وأنصحك .. ادعي بالهدايه لك وله بعد مل صلاة .. وأول ما تشوفيه بدا يلعن ويسب .. رددي الله يهديك
ولا تردي عليه ... حاول تخرجي من الغرفه اللي هو فيها
في ناس طبيعة تربيتهم السب عادي عندهم .. ويحتاج وقت لحد ما يغيروا هالطبع ..
ونصيحة أخيرة ... استخيري وتقربي الى الله عزيزتي .. محد رح يكون جنبك ويرأف فيك مثل رب العالمين
داومي على صلاة الإستخاره
وأتمنى لك التوفيق
اللهم حنن قلب زوجها عليها .. اللهم اهديه .. اللهم اجعلها قرة عينه واجعله قرة عينها ..
اللهم اصلح لهما شأنهما كله و لا تكلهما الى انفسهما طرفة عين
آمين