انا وايد اشتكيت لكم من زوجي و كذا مره فكرت بالطلاق و اذكر ان الاخت اميرات كانت من الناس اللي شجعوني عالطلاق
انا كلمت اخوي من شوي و قالي راح ياخذني انا و عيالي بعد صلاة الجمعه
بس مادري ليش احس اني متردده انا عشت مع زوجي 4 سنين ما استانست معاه الا في شهر العسل
كل حركاته معاي مهما كانت بسيطه تدل على انه ما يحبني ما يطلعني و ما يخليني اطلع مع غيره
اذا كنت محتاجه دكتور ما يوديني الا بعد طلعت الروح
دايما مشغول و يقدم الشغل علينا
عنده خير بس فيه بخل
يسافر و يودينا معاه دايما يطلع اعذار
اذا سافر يحجز تذاكر لربعه و السكن عليه و اعتقد حتى الاكل عليه
يعني مبخل علي و غيري يستمتع
خاين كذا مره صدته و قلت لكم عن خياناته
كان ما يصلي بس الحين اعتدل
الكل يقولي شلون مستحملته؟
لانه وايد ظالمني و الله احس نفسي عجوز و انا توني 24
حتى قص الشعر و الصبغ ما فيه و اذا رضى يخليني اقص شوي
و متدخل في لبسي
و علاقته مع اهلي زفت من اول ما تزوجنا و حتى علاقته مع اهله مش و لابد
و طبعا قلت لكم قبل انه يضربني
يعني هالاشياء هي اللي خلتني افكر بالطلاق و ما في سبب يخليني اصبر اكثر
شرايكم؟
انا احبه بس كرهته من هالاشياء و لانه حتى ما يحسسني بحبه
احبه بس راح ادوس على قلبي و اطلب الطلاق
شرايكم؟ ردوا بسرعه قبل لا يجيني اخوي

معلومات عني: تزوجت من 4 سنوات عمري 24 زوجي 28 عندي 3 اطفال
جامعيه بتخصص مطلوب من قبل شركات كبيره و رواتب مرتفعه يعني اقدر اعيش عيالي

__________________