انا رجعت عشان في حاجات افتكرتها ..

انتي نقلتي احساسك بالمرارة ليا بطريقة خلتني شوية اتعمي عن الحقائق .. واتحرق .. واحس اني بجد قلبي اللي واجعني اكتر منك... ماتطنشيش رد فجر عليكي .. ردها حلو فكري فيه كويس

خلي بالك ان انتي حامل وهرموناتك بتخليكي عاطفية جدا جدااااااااااااااااااااااااااااااااا بزيادة .. الحمل اصلا بيخلي الواحدة احيانا تبكي من دون سبب وتعمل مشكلة من غير داعي .. فما بالك ان عندك المسببات كلها اللي تخليكي تبكي الى مالا نهاية !! والغضب عميكي .... طيب واخرتها

انا مش هكلمك انك تسامحي جوزك بس .. عاوزاكي تحطي نفسك مكانه كراجل

انا سمعت حديث فيما معناه ان لو الراجل واحدة عرضت عليه نفسها بالحرام ورفضها يدخل الجنة

ده معناه ان الراجل عشان يقاوم نفسه في حاجة زي كدا فيها مشقة كبيرة اويي وواضح ان الخاينة الخبيثة لعبت لعبتها جامد جدا عليه

ووقعته في حبالها

انا كنت بتفرج على برنامج سألوا الرجاله الخونة عن اساب خيانتهم ....رجاله كتير جاوبت .. ان احد الاسباب هو وجود نساء مستعدات للخيانة .. ومتاحات ..

غير ان ربنا غفور رحيم ..

لما هتولدي هتتولد جواكي مشاعر عمرك ماحسيتي بيها ناحية ابنك .. وهتعوزي انه يعيش في افضل صورة ممكنه .. وممكن تفكري في جوزك .. هو مش اولى بيه من الراجل الغريب!

طيب هو يعني مالوش غير سيئات .. يعني طول مانتي قاعدة مش فاكرة غير كدا .. اكيد عمل عشانك حاجات حلوة كتير حاولي بس تفتكريها ... الحاجات دي ماتشفعش انك بس تعيدي النظر مش اكتر .. انا حاسة ان يمكن المرارة اللي جواكي كبيرة اوي عشان بجد كان بيحبك وانتي بتحبيه .. ودي اكتر حاجة اذتك.. مخك متلخبط و مش فاهمة .. المعادلة صعبة .. بس ده راجل .. في ابتلاءات في الدنيا ومصائب في الدنيا صعب على عقلنا الصغير انه يتوعبها او يتقع نتيجتها ... طول الوقت بقول معقوووووول معقوووووول ده يحصل ..!!! وبيطلع انه بيحصل

ليه ماتديش لنفسك فترة نقاهة لحد ماتولدي .. سيبي الموضوع بلاش كمية الكره دي .. دعي المواضيع تاخد مجراها

ارجعي لشغلك ولحياتك نفسي عن غضبك .. روحي قولي لأهل الخاينة وربيها خليها تاخد درس عمرها ماتنساه من على ايديكي

في قصص خيانة كتير.. اتحلت .. قريتها بتاعة ناعمة الهاشمي ...

جربتي تقريها اعملي سيرش عليها .. لازم لازم لازم تقريها

هتتفاجئي جدا

في ستات كانت بتسجل لأزواجها الخيانة بالشهور وتسمعه وهو بيخون وهو بيقول كلام حب وكلام فاجر وتسمعه كمان وهو بيشتم فيها قدام عشيقته ومع ذالك كان عندها الاصرار والتحدي انها ترجعه .. ليه ماتكونيش منهم

في ستات كانوا بيراقبوا جوازتهم ويعرفوا مكان الخيانة ويبلغوا الهيئة تقبض على الراجل والخاينة تحس بالخزي ويندم ندم شديد وترجعله .. اكتر من كدا ايه

في واحدة قعدت تراقب جوزها 6 شهور .. كل يوم تفاصيل مؤلمة تسمع وتشوف .. وفي الاخر رجّعت جوزها

وفي واحدة سجلت لجوزها صوت وصورة انتي متخيلة يعني كمان شاااااااااااافت .. وادت لجوزها والخاينة الدرس ورجعتله

وبعد كدا تكسب زوج نادم ومطيع وعاوز يراضيها واب لعيالها ..

ليه ماتفكريش في كدا اديله الدرس اطلبي اي حاجة تراضيكي

ماتفرّحيش الخاينة فيكي وتتبسط انك سيبتهولها .. دي اكتر حاجة تتمناها في الدنيا ..

ارجعي وغيري البيت وانقلي اعملي اي حاجة في سبيل الشفاء

دوري على قصص الستات اللي نجحوا في كدا هتلاقيهم كتير اوي ..

ماهو من الاخر يا اما هتموتي نفسك وتكتئبي ويجيلك امراض بسبب موقف مايستهلش تعملي نفسك عليه كدا يا اما تختاري انك تعيشي وتتجاوزي المحنة دي باي طريقة ممكنه


انا عمري مابكتب ردود كبيرة بس بجد لو كنتي جمبي كنت طبطبت عليكي وشديت من ازرك وشجعتك .. وخرجتك .. ووريتك ان دي مش نهاية الدنيا وان في حاجات حلوة كتير ..