لازم تقابلينها اصلاانا مالي شغل بالسالفه وحدي محترة ومقهورة .... ودي اشوفها واسالها وشلون وكيف ووين وانا وين كنت عنكم وليه زوجي بالذات ؟؟؟؟؟ خخخخخخخخخ حسيت روحي عشت القصه بقوة ...
بس من جد لازم تعرفين كل شي عشان نارك تطفى ... يمكن ترتاحين ووممكن تحطين لزوجك بعض الاعذار وترجعينله بس طبعا بعد ماياخذ درس قاسي ... ويكفي فضيحته عند اهله واهلك ...
ماابي اقولك افضحيها عند اهلها ... حرام يمكن يصير عندك بنات واحتسبي الاجر وخلاص ويكفيها انها اكيد استحقرت نفسها واكيد هو استحقرها...
تدرين ذكرتيني بموقف مشابه لقصتك بس بالعكس..اعز صديقاتي الله يعلم وشلون كنت احبها ليل نهار معها وكنت انابنت ماتزوجت وهي كانت متزوجه... هي كانت مرة قرويه وعايشه طول عمرها في قريه ... زوجها كان دارس برى وفاهم ومتفتح ... لما كنت اطلع معها احاول اختار لها ملابسها واعدل من ذوقها واشيكها لاخر حد ...وهي بدورها تروح تقوله تفاحه قالت كذا وسوت لي كذا وتفاحه نصحتني كذا ... انا مقدر اقول غباء منها بس طيبه زايده وثقه في غير محلها ...المهم زعلت هي وزوجها فترة وراحت بيت اهلها ..... لقيته يتصل فيني يقول اصلحي بيننا وانتي غيرتيها وابيك ترجعينا لبعض ... انا انصدمت من اتصاله مرة يمون الاخ ... اتصلت فيها فورا وعلمتها السالفه ... سكتت وقالت خلاص انا بقوله لايتصل ... ومع الايام كل شوي يرسل مسج ... حاولت اعلمها بس هي اصلا كانت في مشكله قلت بطنشه ولاابي ازودها... بعد فترة رجعنا الكليه واكتشفت انها حامل ورجعت طبيعي مع زوجها وامورها تمام وغيرت جوالها وانا كنت كله اتصل ومقفل وبيت اهلها يصرفوني ... ولما احاول اكلمها بالكليه تصد عني .. وقالت اعذريني ماعاد بيننا شي ... انصدمت مرة بس قلت في قلبي براحتها انا دامني ماسويت شي خلاص بكيفها ...
بس قلبي يتقطع على فراقها واشتاق لها مرة واكيد زوجها خاف اني اعلمها او اوريها المسجات فاكيد قالها كلام كذب عني .... الصراحه مقهورة جدا انها ماعطتني فرصه ادافع عن نفسي واوضح موقفي ... يالله الله يسامحها ...
المهم حبيبتي انا قلت قصتي عشان اثبت للكل ان قصتك حقيقه ويصير اكثر من كذافي زمن الله العالم فيه ...لازم تواجهيها لوموعشانها وعشانه فعشان تتعلمي من اغلاطك ... وعيدي التفكير في موضوع رجعتك لزوجك ... لوبس عشان ابنك ...
انتي اللحين تشوفين الحياه سودا ومقهورة بس لما يجي ولدك على الدنيا حرام مايلقى ابوه ... لاتدفني نفسك بالحياة عشان وحده ماتستاهل ... حتى لو جتك فرصه وتزوجتي مرة ثانيه حرام يتشتت الطفل اللي بينكم ... وفي نفس الوقت لاتقدمين زوجك لها على طبق من ذهب .... دافعي عن حقك لااخر لحظه ..