غاليتي....
واضح انك انسانة متعلمة و مسالمة و هادئة و ملتزمة و محترمة جداً "حفظك الله"
لكن نصيحتي لكِ بأن تكوني قوية كالنمرة البرية و لا تختلي مع أخوكِ لا في سيارة و لا في بيت أبداً...إياكِ!!
و إذا تبرع يوم من الأيام و جاء بياخذك من الجامعة ردي عليه شكرا "مشغولة و ما أدري متى بأخلص!!" و نادي الشخص الآخر اللي ياخذك من الجامعة عادة سواء كان أخ آخر سوي أو السواق...
و إذا قرب أو سوى حركات هدديه و ارفعي صوتك بالكلام عشان يخاف لأن أتفق مع رد إحدى الأخوات إنه سيعتبر هدوءك "اللي هو أدب" تردد فلازم تبيني له الوجه الآخر الوحشي لأن هذا الشخص لا يستحق لقبه كأخ!!
وإذا جاتك رسايل ماجنة احفظيها عشان تكون إثبات عليه عندك و ردي عليها رد حازم و هدديه لأن ممكن يقلب عليكِ الموضوع و يقول إنك انتي اللي تتحرشي فيه و تغريه لأنه غير سوي و لا يخاف الله فممكن يألف عليكي قصص و كل أهلك بيصدقوه و يكذبوك لأنك ما اشتكيتي من البداية و سكتي!! وهذي صارت لإحدى صديقاتي!!
و لا تأجلي أو تقولي ما أقدر و خايفة ووووالخ...لأن ما نبغى يجي يوم و تقولي خسارة فات الأوان!! و تتحسري و تقولي يا ريتني سويت كذا واتصرفت من زمان كذا من قبل ما يجي الفاس على الراس!! "بعيد الشر عنك"
أنا آسفة على لهجتي الشديدة معك لكن الحل بيدك لأن نحن البشر اللي نصنع الظروف المساعدة أو المعاكسة لمشكلتنا.
بالنسبة لزوجة أخيك...أنا برأيي خلي علاقتك معاها رسمية جداً و انصحيها بشكل عام إذا اشتكت لكِ لأنك إذا قربتي منها فراح تقربي من أخوكي....فالإبتعاد عنها أفضل حل لكِ
حفظك الله و رعاكِ
__________________
*وإذا غلا شيء علي تركته.... فيكون أرخص ما يكون إذا غلا*
