ثبات يا قلبي ... صدقيني زوجك راح يجي يركع تحت رجولك عشان ترجعين له ..لكن اتبعي نصايح
الاخوات .. المسأله محتاجه لوقت و صبر و تخطيط جيد ..
الحين هو في مرحلة هياج و يتخبط انا سبق و قلت لك هذا الكلام لانه يحبك و مو متخيل انه
يفقدك ..
كل اللي قاعد يعمله تمثيليه عشان يخوفك ..
انت اكسبي اخته في صفك و قولي لها من مصلحة اخوك انه ما يشرب خمر .. من مصلحة
اخوك انه يكون مستقر مع اسرته ..
حاولي انك تنصحي اخوك انه يتعالج بدل ما توقفي معه في هذه التمثيليه
الفاشله ..
مره من المرات سمعت دكتور نفسي يتكلم عن شرب الخمر ..
و قال هناك طريقه ممتازه لعلاج هذا الشخص و تأديبه عن طريق تمثيله يعملها واحد من اهله
يكون مثلا عنده صديق ضابط او شرطي يتفق معه انه يتصل على الشخص اللي يشرب الخمر
و يقول له جات عليك اخباريه انك تشرب الخمر و لازم تجي قسم الشرطه الساعه الفلانيه
عشان تقابل الضابط الفلاني .. طبعا الضابط يعرف كيف يخوف هذا الشخص لكن من دون ما يكون
البلاغ رسمي و يفتح فيها محظر ..
انت لو بس تسمعين الكلام و ما تتصلين على زوجك في كل وقت .. انت كمان اركدي شوي
و لا تصيرين خوافه ..
واذا اتصلت اخته قولي لها الكلام مع ابوي ..
زوجك ما راح يطلق و لا راح يتزوج لا تخافين ..