[align=center] أم عمار .. الغربه مره .. نووره ..[/align]
الله يحفظكم حبيباتي .. ومشكورين على سؤالكم واهتمامكم ..
يقولوا من طول الغيبات جاب الغنايم .. وأنا رجعت لكم بغنيمه ثقيله وزنها أربعه كيلو ..
للأسف حبايبي توقعاتكم فعلا في محلها وهي إن وزني زاد في الفتره الماضيه ..
مثلما تعرفون أنا لسه عروسه جديده ودوبني كملت أول سنه زواج من كم يوم ..
وطبعا المره هذه كانت هي أول مره التقي فيها بزوجي من بعد شهر العسل ..
وكنا فرحانين مرررره بلقاءنا وكأننا مو مصدقين الموضوع و عشان كذا سوينا شهر عسل ثاني طويل امتد لشهرين ..
أكل طول اليوم وعزايم في المطاعم و طلبيات أكل من بره وقلة حركه ..
هذا غير إني استخدمت حبوب منع الحمل في الفتره هذيك وكأنها فتحت شهيتي أكثر على الأكل ..
المهم وزني زاد اربعه كيلو في الشهرين هذه ووصل ل 59 كيلو ..
الحين أنا قررت اشترك معاكم ابتداء من بكره .. وودي أنزل عشره كيلو ..
لأني بصراحه كنت اتحطم نفسيا كثييييير كلما جيت ألبس شئ لزوجي بسبب التضاريس اللي عندي 
..
أكثر شئ قاهرني هي كسوة عرسي .. والله ماتهنيت بلبس أي شئ منها وكله لسه جديد ..
وأنا شاريتها كلها من فرنسا ودافعه فيها مبالغ ضخمه ..
عشان كذا أنا مره متحمسه الحين لتنقيص وزني وماراح اتكاسل إن شاء الله ..
وأنا شايفه اقتراح أم جمانه مره خطيييير وروح التحدي والمنافسه أكيد راح تحمسنا أكثر ..
على العموم وزني الحالي هو 58.200 كجم ..
وراح ابدء معاكم الريجيم بإذن الله من بكره ..
والله يعيننا جميعا ..