شوفي يا حبيبتي يا ثبات انا ما كنت حابة افتح موضوعي بس عشان افهمك الصح انا كنت متل حالتك قبل سنة ونص تقريبا وصارت مشكلة بيني وبين جوزي وانا حاولت اغطي على المشكلة وجوزي هو الي راح فضحنا عند عمي الكبير بحكم انو بابا الله يرحمو (يا ريت كان عايش ) المهم بعد ما كان الحق على جوزي بقدرة قادر صار الحق علي وتدخل عمي خربط كل الامور والله كان ممكن نعالج الموضوع بينا بس قدر الله وما شاء فعل المهم يا حبيبتي انا صرت متل حالتك بالضبط وخايفة انو يطلقني ونترك بعض بالذات انا اكتر وحدة بالدنيا بتحب جوزها *صرت يا ثبات اتخبط بتصرفاتي واحكي معا ما يرد علي ابعت مسجات ما يرد علي اخلي ناس يحكو معو ما كان يرد عليهم حتى وصلت اني رحت على البيت وما فتحلي ونطيت من الشباك وهو كان بالغرفة لما دخلت ولا كانو شايفني وهنت علي كتييييييييييير وماما كانت تحكيلي الحكي الي كتبتلك ايا بموضوعك السابق انو لو الك نصيب رح ترجعوا غصب عن الدنيا كلها وماما كانت تحكيلي هو الي غلط ورطكم وهو لازم يتحمل النتيجة وكان عندي بيبي وقتها المهم صبرت ولزمت الاستغفار وحفظت كلاامتي بالذات بعد اخر موقف عملو معي وقويت شخصيتي كنت متلك احكيلي بدك تتركني ومن كتر طيبتنا احنا البنات ما منعلرف انو هاي الحركة بتقويهم علينا والله يا ثبات حاسة مضبوط فيكي بس بترجاكي لا تعيدي غلطتي وتفرجي انك ما بتقدري تستغني عنو هادا الكلام بقوي عليكي اتبعي والدك الله يخلي شو بحكي واعملي بشورو الرجال بفهموا لبعض ولنفسيات بعض وطمنينا