يا ربي يا مهرة انتي دقيقة اوييييييييييييييييي بسم الله ماشاء الله.. اخر حاجة قلتيها على انه بيغير رأيه بدون سبب انا مش شايفاها مشكلة اوي مادام الاختيارات كانت محدودة .. وموجودة يعني انتي خيرتيه بين الفراخ والسمك واختار .. وغير رايه بس موجود ايه المانع .. انما لو راح لحاجة تالتة من اختراعه انا ادايق واحسه دلع.. فعلا

اكتر عادة بحسها دلع جدا جدا في عادات الاكل لما الامهات .. بيمشوا ورا العيال بطبق ويأكلوهم منه .. يعني الولد كبير كدا 4 سنين وميعرفش يمسك المعلقة ياكل بنفسه !!!

بالنسبة لصاحبة المشكلة رايي المتواضع ان بنتك عندها سنه و8 شهور استني عليها شوية لحد ماتحسي انها بتفهم ..لأني اعتقد انها لسة مش بتفهم لما تكمل سنتين ولا حاجة ابقي فهميها .. حتى العقاب دلوقتي لسة بدري .. مش هتتأثر خصوصها ان الذاكرة عندها لسة مش قوية اوي كدا هتنسى هي غلطت في ايه !او انتي بتعقبيها على ايه اصلا !! لسة مش بتربط !! انا قريت كتاب سوبر ناني لقيتها ابتدت تعاقب عند 3 او حاجة ..

انا ابني كان كدا .. كان بياكل مع كل واحد في البيت .. وحتى معايا .. اول مايبتدي ياكل اقوله اجيب لك .. واقوم اجيبله طبق صغير .. من نفس نوع الاكل اللي اللي حواليه بياكله منه ..

بس هو نوعا ما تحسيه عنده استقلالية يعني انا عاوز طبق ليا انا .. ويكون زي اللي معاكوا .. بس !!

وبعدين عادة التجمع والناس بيغري بالاكل حتى ولو كانوا الاطفال لسة واكلين او مش واكلين !!



بعد كدا لما تكبر شوية بس فهميها ووريها ان الطبق اللي معاها هو نفسه طبق اللي قدامها ..وهي هتبطل .. واقعدي قوليلها شوفي فلان معاه طبقه وفلان وفلان انتي كمان واحد ..

انا بحس ان مشكلتك انك بتنحرجي جدا من ردة فعلها وكمان لما بتمنعيها .. قوي قلبك واثبتي

انا ابني كان بيرمي نفسه على الارض لما يدايق في اي حته شارع سوبر ماركت بر بحر .. ويرخرخ نفسه .. بتبقى غلسة جدا جدا خصوصا لما بتكوني شايله او زحمة او تعبانة .. بس مهما عمل .. الثبات على الراي مافيش غيره ..

بعد كدا يمكن بعد سنة وشوية لما ابتدى يفهم لقاها مش بتجيب نتيجة بطلها !!

__________________