توقّع هالشيء وتّوقع غيرهـ .. الانسان ما تعرف شخصيته وطريقة تعاملة وعلاقته بشريك حياته
الا بعد العيشة مع بعض تحت سقف واحد ..

للاسف كثيرين يبنون حياتهم على ما يحدث في الملكة ( الرجال يدلّع ) و ( البنت بطبعها خجولة )
ويعتقدون ان هذا الوجه الحقيقي لهم اثنينهم .. !

انا جربت أيام الملكة وعانيت بعد الزواج فترة بسيطة وكنت انا وزوجتي نعتقد ان حياتنا بتبنى على فترة
الملكة ..

طبعاً انا اتكلم في امور غير المصروف ومنها اختلاف طريقة التعامل بنسبة 180% وهو اصلا شيء طبيعي
بعد الزواج ..

بالنسبة للمصروف ..

الاطفال تعطيهم مصروف 3 ريال او 5 ريال باليوم .. ويرونها شيء اجباري عليك و طبعاً هو اجباري عليك ..
لكن لما تجي بيوم من الايام وما تعطيهم .. يقولون ليه ما اعطيتنا ( حقنا ) ويزعلون وإلى آخره ..

لكن لما تجي وتعطيهم 50 ريال وتقول له خلها معاك .. ينبسط ويستانس وتحسه مايل عليك وقلبه في جيبك

..

الزبدة ترا المبلغ المعروف ماله اي فرحة .. كأنها رواتبنا .! ناخذها وحنا عارفين انها بتجي ..
والمبلغ اللي ماله وقت محدد .. بيكون مُفرح ( مثل خارج الدوام .. او صرف راتب شهر للموظفين لأي مناسبه )

لا احد يقول تمثيلك جاي على الاطفال !!

ترا الزوجة سيدة الاطفال واحلاهم بنظر زوجها

بالتوفيق اخوي