السلام عليكم ورحمة الله وبركاته ..

اخاف تكرهوني بس انا اعارضكم كلكم .. انا اشوف ان من حق البنت تسكن بروحها .. والصراحة مالوم الاب اذا خاف على بنته ..

وعن تجربتي .. اطيب مني مافي .. لكن واجهت مشاكل مع اهل زوجي بغت توصل للطلاق... والحين الحمدلله انا بروحي ومرتاحه..

مو لازم بيت بروحكم باخر الدنيا .. بيت جنب بيت اهلك .. او شقه مستقلة في البيت لها مدخل خاص..

اذا بنت خالتك حطت هالشرط .. المليون بنت الي تتكلمون عنهم .. بعد ماراح يرضون ..

امك ماتخليها بروحها صح ..!! طيبة وهالشي ماعليه خلاف بس بتصيير مشاكل بسيطة يمكن تافهه لكن مع الوقت بتكبر..

اسكن جنبها .. الطوفه بالطوفه .. بس لا ايي في بالك ابد ان البنت مو زينه هالشي ماله علاقه .. والاب ماينلام لو خاف على بنته ..

اسمحولي

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...