لا حول ولا قوة إلا بالله

ليش قلبتوا الموضوع على فلم حزين وكله جروح وألم ودموع

انتوا ايش فيكم غير واقعيين ..

ليش بتسوون مشكلة من لا شيء

يا خوي .. من واجبك تبر بأمك وهذا شي ضروري وانت محاسب عليه يوم القيامة أمام الله

ومن حقك تختار طريقة البر فيها ..

ومن حقك تفضل السكن معاها طول العمر عشان ترد الجميل لها ..

هذا شي مفروغ منه

وانت ماشاء الله عليك .. أمك داخل قلبك وروحك ..

وما حد قاعد يخيرك بين أمك وزوجتك عشان كل هالشجن والتحامل

كل الي نقوله أنك تبدأ تدور على بنت تقبل أنها تتنازل عن حقها في السكن المستقل

وراح تشوف إن شاء الله .. السالفة مو صعبة ولا عويصة لهدرجة

وبعدين مافي مشاعر خاصة أو حب بينك وبين بنت خالتك عشان كل هالكلام عن المعاناة

لو كنت تحمل داخلك مشاعر خاصة أتجاه بنت خالتك كان قلنا ايه

ولو كانت بنت خالتك تحمل مشاعر خاصة أتجاهك كان ضحت وقبلت .. بس انت بالنسبة لها

مثل اي شخص ..

يا أخوي قوم بخطوة عملية وهي أنك تكلم خالتك أو أبوها : وقولهم انتوا أدرى الناس بوضعي

واني وحيد أمي ولا يمكن اتركها .. ابي ارد لها جزء من الدين الي قدمته لي طول عمري

ابي أعوضها عن شبابها الي افتنته عشاني وأخواتي ..

قول لهم وجهة نظرك .. يمكن يوافقون ايش عرفك !!

وإذا ما وافقوا عادي .. بنات كثار قراب من عمرك بيوافقون

يعني الموضوع عادي جداً ..

حقك تجلس مع أمك وبرها من واجبك

ومن حق اي بنت تطلب سكن مستقل ومش من العدل تطلب منها التضحية فيها إذا ما رضت عن طيب نفس

أنت عليك حقين .. حق أمك الله يطول بعمرها ويرزقك برها

وحق لزوجتك .. وكلا الحقين متعلقين برقبتك إلى يوم القيامة

لازم تعرف هالشي ..

يعني لازم يكون في تراضي وتوافق يبنك وبين زوجة المستقبل

و أنا أنصحك .. إذا ما وافقوا بيت خالتك على طلبك

إذا جيت تخطب مرة ثانية قول لأي بيت تدخله وتبي تخطب منه أن شرطك السكن مع امك

طول ماهي على قيد الحياة .. عشان كل واحد يعرف وين رايح وعشان تتجنب المشاكل مستقبلاً



ربي يوفقك وتسمعنا أخبار الطيبة

__________________