انا الي فهمته أن أبوك ضاغط عليكِ في كل شي

ما نعك تشتري اي شي ولما تشتري شي غصب عنه يخرب من عيونه

وكأنك تقولين أن أبوك بخيل + عينه حارة

يمنعك من مشاهدة التلفزيون والنت لأنه يقول أنه حرام ولما ما يكون أحد بالبيت يحطه على مواقع خليعة


الشي الثالث : أنه يشك فيكِ أن لك علاقة مع أن إذا جاء أحد وخطبك ما يرتاح لأنه ما يبغي يزوجك

يبيكِ تكونين خادمة عنده وبس


هل الي فهمته صحيح ؟؟


إذا كان صحيح ..

فموضوع أنه بخيل وما يصرف عليكم على قدر مقدرته فأقولك الله يعينك

البخل داء ليس له دواء وعيشة تقصر العمر .


ما يسمح لك تشوفين التلفزيون ونت و يقول حرام ولما يكون لوحدة يشوف مواقع خليعة

معناته أنه يعاني من ازدواجية بكل اسف


ما يبيك تتزوجين وينفر كل الي يتقدمون لك عشان تبقين تخدمينه

مشكلة تعاني منها بنات مو بس أنتي والسبب خلل في الفطرة الانسانية ومرض نفسي

اسمه الانانية .


عموماً ما استغربت لما قلتي تكرهين أبوكِ لأني صرت اسمع مثل كذا

وناس أكثر حتى لما ابوهم مات ما يترحمون عليه بالعكس ما يذكرونه إلا بالسوء

لأنه كان قاسي وظالم معاهم لأخر درجة وشخصياً ما توقعت أن في اب ممكن يسوي

في عياله كذا ..

كثار من الاباء يجبرون أبنائهم على كرههم وتمني الموت لهم ..

يجبرون ابنائهم يخالفون فطرتهم ويتعذبون بسبب الكره ..

الشي الأقسى من هذا كله أن الأب والأم بالذات الانسان ما يقدر يسئ لهم بأي حال

حتى لو كانوا ما يستحقون أن يكونوا أباء مربين

لقوله تعالى ( وَصَاحِبْهُمَا فِي الدُّنْيَا مَعْرُوفاً )



نصيحتي اصبري عليه اصبري اصبري على بخله هذا ابتلاء واضح من رب

العالمين لأنك ما أخترتي هذا الاب

انتي جيتي لهذي الدنيا وشفتي هذا ابوكِ .. مثل كل الناس ما في احد منا أختار ابوه وامه

الدنيا محتاجة للصبر في كل أمورها .. و الحياة ما تصفوا لأي انسان

كل لقمة حلوة نتناولها ممزوجة بالمرارة .. ممكن نتقبله وممكن نتجرعة غصب عنا


بالنسبة للأفلام الخليعة الي يشوفها .. اصبري بعد هو المذنب مش انتي ..

و المفروض تشفقي عليه لأنه يعاني من ازدواجية داخله ..

هو حاجة مثل المرض مثل النفاق الشي الي يظهره مختلف عن الي يبطنه

و يقول شي ويعمل شي ثاني ..

وياليت تدعين له بالهداية وإصلاح شأنه وتكونين مخلصة في دعائك .


حبيت اسألك : وين أمك وأخوانك .. ما عندك أخوان رجال ؟؟

إذا عندك أخ كبير يعتمد عليه خليه يتولى امر تزويجك إذا ابوكِ متعنت لهالدرجة

أو إذا عندك عم أو جد .. هذا حقك وإذا في رجل صاحب دين وخلق تمسكي فيه

__________________