معليش اسمح لي أقول لك هالكلمة .. أنت أخطيت خطأ فادح إنك قفلت الخط بوجهها .. هذي إهانة مب شي عادي .. ليش تتساهل بالحركة هذي مع إنها تعني ألف معنى ومعنى جارح .. الواحد المفروض ما يضطر للحركة هذي إلا إذا ما قدر يتمالك نفسه أو صارت زوجته تتكلم معه بكلام فض وسيء .. لكن أنت استعجلت وحساسيتك الزايدة أثرت عليك مرة

عزيزي .. انت تتعامل مع فتاة .. مع من خلقت من ضلع أعوج .. إن قومته انكسر .. وإن تركته بقى معوجا .. تعامل معها على أساس أنها فتاة في العشرين من عمرها .. لا على أساس أنها رجل في الثلاثين من عمره .. ارأف بها وأشعرها بأنك نصفها الثاني ..

بدري على الزعل والهواش .. بدري على تقفيل الخط بالوجه .. استمتع بالملكة أجمل فترات الزواج .. لا تنتظر من زوجتك اتصالات .. ياخي أنا لما كنت في أيام ملكتي كانت خطيبتي جريئة وانفتحت بالكلام معي بسرعة .. لكن عمرها ما اتصلت علي أبدا .. إلا مرتين وكانت لغير السواليف .. ولا عمري فكرت بفكرة إنها ليش ما تتصل بي .. أنا الرجل وأنا من يدير هذا الأمر بيني وبينها .. أنا من تنتظر خطيبتي اتصالاتي بشوق ولهفة ..

وسع صدرك وانبسط .. ولا تخلي من الحبة قبة .. اكبر في عينها .. خلها تتعلق فيك .. الأسلوب اللي أنت ماشي عليه الآن ينفرها منك

معذرة على شدة أسلوبي .. لكن كلنا رجال وأعرف كيف تفكر الآن .. ولدي خبرة وأعرف كيف تفكر البنات أيضا .. ولذلك أتكلم لك من حرقة والله وحرص على مساعدتك ..

وفقك الله يا عزيزي