اقتباس:
المشاركة الأصلية كتبت بواسطة احساس ثاني
اولاً اشكرك على تفاعلك
انا بقولك شعوري لما شفتها جاتني راحه وسكينه وفرح سبحان الله اول مره احس بهذا الشعور
بس ابوها مايبشر بالخير انسان متعلم بس فيه تعالي مو طبيعي وانا ماتعجبني هذي النوعيه يعني بدون مبالغه جلس معي 3 مرات كلها تحقيق ولما وافق اقسم بالله مافيه اي نوع من الفرح بعيونه مره متكبر وقاهرني بصراحه يعني نظراته مدري كيف جايه وغير كذا انا اقدر انه يخاف على بنته لما سئل عني بس والله والله ياناس الرجل سال عني زين وعرف كل شي عني بس زودها يعني بصراحه حسيت انه زودها مره
وجاني شعور ان العائله موسوسه ياناس مافيه اي ابتسامه كنهم يناضرون وحش قدامهم
|
أجل لا تخاف ولا شي .. بالعكس أنا الحين اطمنت .. واقولك ان شاء الله
هذي البنت مناسبة لك .. ولا تكدر نفسك ولا شي
وما تحاول تشغل نفسك بأشياء جانبية ..
وإذا أهلها ما بدر منهم تصرف غير أخلاقي .. أو حاجة سيئة .. او طلبوا منك طلب غير معقول
خلاص مشى الموضوع
لأن الزواج مشروع ابد مو سهل .. وصدقني أنا مقدرة موقف ابوها وخوفه عليها
ترى هو مراح يعطيك بنت وبس ..لا .. هو بيعطيك قطعة من قلبة ويبي يعرف هل راح تقدر تسعدها وتحميها
لأن يشوف نفسه شلون كان يراعيها ويخاف عليها .. هل أنت بتخاف عليها مثله
أو بتظلمها ..
صدقني كل هذي اشياء طبيعية
وموضوع أنه موسوس أو عايلتها موسوسين .. اقول بعد هذا شي طبيعي
لأن أحنا هليام نسمع بتجارب الناس ونخاف نطيح في مثلها ..
أنت تشوف أن هذي الاشياء مالها داعي لأنك عارف نفسك وواثق فيها
بس لازم تعرف أنك شخص جديد داخل على هالعائلة وللحين ما عرفوك تمام
مو سهل أبد أن البنت تنظلم وبعد فترة ترجع بيت ابوها بدموعها
ابد مو سهل .. يعني ابوها عنده يموت ولا يشوف دمعة بنته
ولا راح تعرف هالشعور إلا لما تكون أب في مثل موقفه وهو يستعد لتسليم هالامانة لشخص ثاني
وصدقني هو راح يبقى خايف عليها لما يشوفها مبسوطة معك ومتستقرة
و لما تقوله بلسانها أنا مبسوطة ومرتاحة
ومدام انهم وافقوا عليك معناته مطمنين لك بنسبة معينة بس يبون يطمونو أكثر
والا لو شايفينك وحش مثل ما تقول ما خلوك تشوف ظفر بنتهم من البداية
بس كل هالخطوات الي صارت دليل أن في أطمئنان لك .. بس يبي لهم وقت
عشان تستقر نفسيتهم ويطمون على بنتهم
عموماً أنا طولت عليك .. بس حابة أقولك في النهاية
افرح وانبسط و اترك عنك هالأفكار ولا تضيع أجمل لحظات عمرك بمثل هالافكار
لأنك من الاساس انسان مستقيم ولا راح تظلم البنت فليش خايف
__________________
..كالاطفال نحلم إننا ننام على سحاابة بيضاء يعطرناا المطر ..