صبري .. إن شاء الله يكون من النوع الي يتعلم من تجاربه
ويعرف أن مو كل شي نعمل منه قضية حياة أو موت ونحمل الدنيا فوق راسنا
والا كذا بنتحطم ..
الحياة بدون شيء مؤلمة ومتعبة وتحتاج جلد وصبر
والانسان لازم يوفر من أعصابه وصحته للأشياء المهمة
مو كل شي شايلنه على ظهرنا .. في اشياء بسيطة نمشيها وفي اشياء مصيريه نوقف لها
ماهو كل شي وكل حدث وكل كلمة مصيريه ..
والرجال وهو شاب في بداياته يغتر بصحته ويبي يحس أنه مصيطر على الوضع تمام
لكن بكرة بس يكبر شوي ويبدأ جسمه بالضعف وتقتحمه الأمراض من كل جهه
راح يفهم ذيك الساعة أن الحياة فيها مهم وفيها أهم ... فيها اشياء مصيريه وفي اشياء ممكن نخليها تمشي
في اشياء نوقف لها واشياء لازم نتغاضى عنها عشان راحتنا وصحتنا
إن شاء الله ما يوصل لهذي المرحلة ويكون من النوع الي يتعلم من الحياة بسرعه وياخذ حكمتها
أو يلقى له أحد ينصحة
وهو الله يهداه مدام أنه واثق في البيت الي متزوج بنتهم ليش التشدد الزايد
ولا له داعي كل هذا .. انتي جاية اجازة عشان تنبسطين مو عشان تغيرين جدران
مالك الا الصبر .. وحاولي تختارين الاوقات الي يكون فيها رايق عشان تطلبين منه
لأن الرجال في فكرهم أن المرأة إذا أرخيت الحبل لها شوي سيطرت عليك
لكنهم ما يدرون أن إذا كل شي دققوا عليها انهم قاعدين يستهلكون من صحتهم وراحتهم
__________________
..كالاطفال نحلم إننا ننام على سحاابة بيضاء يعطرناا المطر ..