أهلا بحبيباتى الرشيقات
معلش النهارده كنت مشغوله شويه عنكم بالنهار بس فضيت لكم يا عسلات
أولا الف الف مليون مبروك يا رشيقة الرشيقات يا love of life الله يبشرك بالخير بجد بجد كنت ناويه ان النهارده هأعلن لكم انه آخر يوم لى فى رجيم الفواكه والخضار بس بعد خبر أختنا love of life ابدا مش هأسيبه ان شاء الله لحد ما انزل انا كمان زيها
بس يالله ادخلى وجاوبينا انتى كان نظام اكلك فى اليوم ايه بالضبط انتى عارفانى بأحب الدقه جدا وهل أكلتى رز أو عدس خلال هذا الرجيم ؟؟؟؟؟؟؟أنا قرأت انهم مسموح بيهم على اكثر من موقع اجنبى وعربى
باقى البنات أحبكم كلكم بالله وشدوا الهمة
أم جوجو حبيبتى مش باينه النهارده ليه لعل المانع خير يارب
أم لؤى فينك افتقد كلماتك الحلوه
أختى الغربه مره ...... كل مره بتضيفى لنا معلومات مفيده جدا جزاكى الله عنا كل الخير
عنبة حمراء, ورده, باريسا . الجنة غايتى كلكن يالله شدوا الهمة
نظامى النهرده كان الفطار كوب عصير سلطة وكوب عصير برتقال
الغذاء كوب عصير سلطة وكوب عدس وكوب عصير خضار
العشاء كوب عصير كوكتيل موز وبرتقال وتفاح وفراوله وكوب غدس
شربت حوالى ليترين ماء غير العصير لما حاسه انى انا اللى هأتعصر
التمارين ساعة مشى سريع وساعة ايروبكس وثلاث ساعات بالمطبخ!!!!!!