المشكله موب مشكله الخصام ، لأن الخصام مشكله ثاناويه ، او مشكله ناتجه عن مشكله سابقها لها.


الشك، من اكبر ، بل اكبر المصائب الي ممكن تزور اي بيت ، وصدقيني اختي، الشك اذا زار اي بيت راح يتربع فيه ويسكن فيه، ولا يطلع من البيت الا بطاعة الله سبحانه وتعالى والتوكل عليه.

الشك مصيبه، فمتى ما انعدمت الثقه بين اي شخصين، وبا الذات الزوجين، صدقيني تنهدم الحياه.


انتي تدرين ان زوجك مكسور، وحاس انه مظلوم بحياته،اغلبنا بعض الشباب حتى من قبل الزواج كان يفكر هل يقدر يجيب عيال او لا. المهم اخيتي حاولي انك تراضين زوجك، مع اتفاقنا جميعاً انه غلطان 99% وانتي كملتي الغلط بكلمتك له.

رأيي:

قولي له، الي تبيني اسويه اسويه، تبي الغي الموبايل، تبي تاخذ الانترنت، تبي تقفل الباب، صدقيني انه صعبه علبك وحتى علينا، ولكن لما يشوف كلامك هذا بيدري انك تحبينه ، وتبيعين الدنيا وتشترينه بحالته هذي وانتي راضيه فيه، فصدقيني راح يتغير وجهة نظره فيك ونظرته لك،با الاضافه امكانية زياره طبيب نفسي يوضح له ان عدم الانجاب ليست نهاية المطاف.

وتأكدي ان ها الطبيب النفسي هو انتي، ولا احد غيرت، قولي له الي كاتبه ربي بيصير، انت وانا من قبل لا ننولد ونطلع على الدنيا وحنى الله موب كاتب لها نجيب عيال ، والله كاتب لنا نتزوج، والله كاتب علي اني اعيش معك.

صدقيني حنا الرجال ترى الكلام له تأثير علينا موب طبيعي ، صدقيني بتلقينه يتغير مئه وثمانين درجه، ولابد ان ها الكلام انك تذكرينه فيه كل فتره وفتره، ولابد انك تستغلين الاجواء المناسيه لهذا الكلام.

حتى يثق في نفسه ، ويثق فيك.


لابد لابد من مصالحتكم في اسرع وقت ممكن.


ترى الحياه حلوه، وياليت تقرون اواخر سورة الكهف عشان تعرفون كيف أرادة الله سبجانه وتعالى في الاعطاء والمنع في الانجاب.

تقربوا الى الله سبحانه وتعالى با الاعمال الصالحه، عليكم وايانا با الاستغفار والتقرب لله با الصدقاء والدعاء لبعضكم.

لكي تقول الملائكه ولك مثله

الله يوفقنا ويوفقكم يارب.