أيش فيكم هجمتوا على الرجال كذا هو صحيح غلط بس أنتم حطيتوا الغلط كله عليه لأن حتى الزوجه عليها غلط

شوف أنا أقولك ليش زوجتك متغيره كذا كله عشان بعدك عنها وقعدتها بالبيت بين اربعه جدران وحدها
أنا كذا لما زوجي يبعد عني تتعب نفسيتي وأصير عصبيه وماأطيق منه كلمه
حتى لو انك مشغول بدراستك وشغلك المفروض ماتنساها
جرب وانت رايح الصباح الدوام تودعها وتسلم عليها وتعطيها كم كلمه حلوه قبل ماتروح

وأنت بالدوام كلمها بين كل فتره وثانيه حتى لو مره واحده قلها كم كلمه حلوه عاد أنت أخبر بالأشياء هذي ماراح أقولك ايش تقول
أرسلها رساله بالجوال أنك مشتاقلها ومن هالكلام عشان تحس أنك حاطها في بالك
أذا رجعت من الدوام قابلها بأبتسامه أسأل عنها اول شي بدل ماتسال عن أي شي ثاني يعني بين لها أهتمامك
وبعد ماترجع من المحاضرات خذها بحضنك وقلها عارف أني مشغول عنك هالأيام وهالشي مضايقني ومو مريحني س غصب عني ومقدر صبرك علي هذي الظروف لأنها ماهي بيدي لأن كلها فتره وتعدي واعوضك أن شاء الله
يعني بين لها حبك وأهتمامك وبأذن الله راح تشوف كيف تتعدل زوجتك

وبالنسبه لها أكيد غلطانه بالذات أنك قد قلتلها عن الظروف الي راح تمرون فيها وأتفقتوا أنكم تصبرون حتى تمر الظروف وتكونون عون لبعضكم
وبالنسبه لروحاتها لأهلها يومياً أحس مالها داعي بالذات أنك ذكرت أنها ترجع وهي تعبانه لكن لازم تشغل نفسها بشي مثلاً جاراتها صديقاتها وأهلها بالنت بالبيت بأي شي أتمنى تنصلح أحوالكم

الله يفرج همكم ويهديكم ويسعدكم