اختي الحبيبه ابو تريكه
دي ثالث مره اكتبلك وكل مره اكتبلك فيها الكمبيوتر يفصل لوحده
المهم يا حبيبتي انا حاسه بيكي جدا والله وبجرحك واهانتك من اهل زوجك وعايزه اقولك ان زوجك زرعه طيبه ونظيفه في وسط وكر للثعالب وهم أهله
يا حبيبتي انا عارفه قد ايه انتي زعلانه من زوجك لانه فعلا غلطان ولكن انسان طيب زيه هيروح فين وسط العيله الغريبه دي
شوفي انتي بتقولي انك مش عارفه هم قالوله ايه عنك وقلتي بنفسك ان الزن على الودان امر من السحر يا حبيبتي صدقيني واضح ان زوجك مش بيحبك لا والله ما شاء الله ده بيمووووت فيكي عارفه ليه لان اي راجل في مكانه مهما كان حاسس بالندم عمره ما هتهون عليه كرامته وعزة نفسه وكبرياءه انه يبكي علشانك او حتى يبينلك انه ندمان
يعني زوجك مصدقش اي كلام اتقال عليكي لكن هو من كتر محاولاتهم المستميته انهم يبعدووه عنك ويكرهوه فيكي ومن كتر كلامهم تعب اعصابه ومستحملش لما كلمتيه انتي وعاتبتيه خرج انفعالاته من تاثير اهله عليكي
اما لما بعد عن تأثير اهله وعصبيتهم وتعب الاعصاب اللي كان فيه والتوتر وسافر السعوديه وفكر عرف انه كان غلطان
يا حبيبتي زوجك مش ضعيف الشخصيه امام اهله والا كان طلقك من زمان ولكنه طيب ومحترم بيحترم نفسه واهله وانتي فوق راسه وهو تعب وعانى من اهله اكتر منك صدقيني
شوفي يا حبيبتي انا حهكيلك على حكايه حصلت من سنتين كان لينا واحد قريبي الله يرحمه كان وهو صغير في الجامعه حب انسانه جدا وقرر انه يتزوجها لكن اهله رفضوا بشده لان العروسه كانت من حي شعبي واهلها مستواهم ضعييييف جدا المهم اتجوزها من غير موافقة اهله لكن اهلها طبعا كانوا عارفين وموافقين ومرت الايام واهل قريبي وافقوا على الزواج وقرروا انهم يسكنوا ابنهم ومراته في شقه في نفس البيت ( بيت عيله)
مرت الايام وبدئت المشاكل بين قريبي وزوجته بسبب تدخل اهله بينهم وفضلوا يتخانقوا لحد ما الحب بينهم بقى ضعيف جدا ومن سنتين قريبي كان مسافر وهو راجع من السفر عمل حادث سياره وتوفى
ورحنا علشان نعزي اهله وطبعا زوجته لقيناها في حاله يرثى لها عزيناها ومكانتش مصدقه انه توفى وقالتلنا كلمه انا لسه لحد دلوقتي في وداني قالت عمري ما زعلت منه او اتخانقنا بسبب موضوع يخصنا وكل خناقتنا كانت بسبب اهله ومن كتر تعلقها بيه وحبها ليه وصدمتها في وفاته ربنا رحمها واتوفت بعد منه بشهوور
انا اسفه اني نكدت عليكي زياده لكن والله انا القصه دي اثرت فيا جدا جدا وخلتني اعرف ان الحب لا يعوض وان اهم حاجه انك تكوني انتي وزوجك بالف صحه وجنب بعض مهما كان غلطان خليكي احسن انتي ممكن توصلي للي انتي عايزاه وانتي في بيته وممكن تحسسيه انه غلطان واوعي تفتكري انك بكده هتمنعي اهله انهم يتدخلوا بينك وبينه اهله ناس استغفر الله مش طبيعيين ولاا تعتبري تصرفاتهم طبيعيه لا يا حبيبتي والله سيبك منهم وانتي لما تروحي لزوجك كمان حتغيظيهم وهتفسدي كيدهم ليكي
الله يوفقك يا حبيبتي معلش طولت عليكي ولكن والله بكيتيني عليكي انتي وزوجك حررررررام الحب اللي بينكم يضيع حافظي على زواجك من كيد الشيطان وادعي من قلبك وحسسي زوجك انك نفسك تكوني معاه
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))