اعجبني بقوة رد اختي اطياف بارك الله فيك ..
تعليقي عالموضوع بالنسبة لي واي امراة في العالم تحب ان تهدى ومن الزوج بالذات وكنت في السابق اعاني من زوجي مع الهدايا وكان اذا لمحت بشي انه مثلا ناقصني الشي الفلاني ابغاه على طول ياللا اوديك السوق وجيبي اللي تبغيه هذا في رايه انه يهديني ,,
لكن جات في بالي فكرة وقلت مافي قدامه الا هذا الحل يمكن يفيد واذا مافاد خلاص بافقد الامل ..
اول شي بما اني مو موظفة فجلست اجمع من المصروف اللي يعطيني لين جمعت مبلغ محترم واشتريت له هدية حلوة وبصراحة كانت اول مرة اهديه وخليتها ليوم ذكرى زواجنا وعملت له ليلة حلوة وقدمت له الهدية تفاجا مررررررررررة مو مصدق ..
وجلس مبحلق ,,من وين,, وكيف ,, وليه ,, وايش المناسبة قلت له بمناسبة مرور ثمان سنوات على زواجنا صحيح مو نفس التاريخ بس لازم ناخر او نقدم يوم عشان نتجنب البدع في الدين قاللي صح اول مرة تسويها ..
قلت له ايش رايك في الهدية قال والله فرحتيني واحس انها اغلى هدية تجيني كفاية انها اول هدية منك قلت له شفت كيف فرحت بالهدية انا كمان احب انك تهديني وافرح فيها زيك بالضبط ابغى هدايا منك وعلى ذوقك مو لازم انا اللي اروح السوق واختار حتى لو وردة لها معنى كبير عندي ..
والحمد لله جابت نتيجة وصار بمناسبة وبدون مناسبة يهديني ولما تكون بسيطة يقدمها مع اعتذار بالظروف بس مو مهم اهم شي اني وصلت للي ابغاه ..
وعشان ما اظلمه كان بس يجيب لي هدية في ولاداتي في كل ولادة قطعة ذهب عشان كذا خلفت 7 ويش رايكم ازيد هههههههههههههههههههه