خلاص يا اخوي استغل هافترة في التوجيه والارشاد بس بطريقة غير مباشره

لأن النصح بطريقة مباشره ينرفز ويخلي الوحدة تعاند

خلك حليم معاها .. ترى الولد الي في بطنها ولدك

عطها فرصة تحبك .. أنا حاسة أنك للحين مو داخل قلبها

مثل ما انا حاسة أنك تحيها حييييييل

وربي الشاب إذا بغى يخلي البنت تحبه يعمل العمايل

وعنده اساليب غريبه والله .. يعني ممكن يستغل اي منفذ عشان يوصل

بس عشان يوصل لقلبها .. وانت في بيتك ومو عارف ..

اصبر شوي .. وانا ما أقولك خلك راخي معها .. لا .. إذا زودتها شد عليها ... يعني شد وارخي

بس مو كل يوم تعمل لها سالفه وهواش .. البيت كذا يصير جحيم لا يطاق

تقرب منها إذا جيت من العمل اجلس جنبها أمزح معها شوي قولها يعني ما في اهلا وسهلا .. مافي هلا حبيبي

ما في الله يعطيك العافيه .. خلها تتعود عليك .. حاول مرة تجيب لهاورده حمرا .. ورده وحدة بس

والله لها تأثير ما تتخيله شكلها بس يخطف القلب .. جب لها قلب أحمر .. وهالاشياء رخيصه مو غاليه

اجلس فترة اعملها كذا وبعدين ابتعد عنها شوي ..

بتشوفها هي جات لك .. لأنها بتحس أن في شي نقص .. في شي تغير

بتقول في نفسها وش فيه اليوم .. دخل على طول بدون كلام بس سلام ودخل

أكيد فيه شي .. وقلبها مراح يطاوعها تتركك كذا بتجي وراك وبتسألك وش فيك

وبتاخذ الي في خاطرك لين ترتاح .. لأن اهم شي عندها ترجع الزوج الي تحس بالسعاده جنبه

وما تبي شي يكدر صفائك .. لأن صفائك هو صفائها

صدقني إذا دخلت قلبها وحبتك كل شي راح يتغير

راح تعمل العمايل وتخترع اختراعات عشان تسعدك وترضيك

قلبها راح يشعلل نار بس تشوفك متضايق .. اصلاً مراح تقدر تنام وانت متضايق ما راح يهنى لها بال

بس صبر شوي خلها تخلص من الوحام هذا

وإذا ما نفع معها تصرف مثل ما تحب ومراح احد يلومك لأنك عملت الي يمليه عليك ضميرك