هي انتقلت من حياة لحياة ثانية يعني تغير جذري و 5 شهور فترة قليلة جدا إلى أن تتأقلم


لا تقارن بالغير لأن كل وحده تربت بطريقة وعلى نمط معين وهذا مو ذنبها


يمكن إن اسلوبك مستفز بالنسبة لها يعني يكون بصيغة الأمر وهذا يولد عندها نوع من المقاومة فما تسوي الشيء

وفي ناس طلبهم للأشياء يكون على شكل أوامر وهم ما يحسون ولا يفترضون هالشيء


يمكن إنها مدللة في بيت أهلها ويبغالها فترة ليست بالقليلة لتغيير اسلوبها في الحياة


ومثل ما ورد في ردود الأعضاء يعني هل كانت بينكم فترة ملكة وكيف كانت

وأول زواجكم كيف كانت أحاسيسها وهل هي الأن تغيرت


ولا تنسى الحمل له دور يخرب المزاج وتصير الوحده تكره نفسها واللي حولها ولا تشتهي تآكل


وهي زواج وحياة جديدة وماشاء الله حمل يمكن ما كانت مستعدة نفسيا لهذه الأشياء مره وحدة


ويمكن مو مستوعبة اللي يصير وحجم المسؤولية فجاها احباط ولا اكتئاب داخلي وما لها خلق شيء ولا تبي تسوي شيء

...

حاول تسوون الشيء مع بعض يعني تقولها شرايك نجمع المجلات مع بعض

يعني لا يكون بصيغة الأمر

وبالنسبة للأكل انت عودها والحين مع الوحام انسى ترى النفسية على الأكل مو شيء



وربي يصبركم ويسعدكم ويجمع بينكم على خير